ကမ္ဘောဒီးယားရွှေ ပထမခြောက်လ ဒေါ်လာ သန်း ၅၄၀ ဖိုး တင်ပို့

ကမ္ဘောဒီးယားရွှေ ပထမခြောက်လ ဒေါ်လာ သန်း ၅၄၀ ဖိုး တင်ပို့

To Get Instant Update
https://t.me/Guid4U

JOIN THE CHANNEL 

ကမ္ဘောဒီးယားနိုင်ငံတွင် ရွှေသန့်စင်ရေးစက်ရုံများ စီးပွားဖြစ် စတင်ထုတ်လုပ်ခဲ့ပြီးနောက် ကမ္ဘောဒီးယားနိုင်ငံ၏ ရွှေတင်ပို့မှု မြင့်တက်သွားသည်။ 

ကမ္ဘောဒီးယားသည် ယခုနှစ် ပထမခြောက်လအတွင်း ပြည်ပသို့ ကန်ဒေါ်လာ သန်း ၅၄၀ ဖိုး ရွှေတင်ပို့နိုင်ခဲ့ကြောင်း စီးပွားရေးနှင့် ဘဏ္ဍာရေးဝန်ကြီးဌာန၏ စက်တင်ဘာ ၂၅ ရက်က ထုတ်ပြန်သည့် အစီရင်ခံစာတွင် ဖော်ပြထားသည်။

ယခုနှစ် ပထမ ၃ လပတ်တွင် ကန်ဒေါ်လာ ၈၄ သန်းဖိုး တင်ပို့ခဲ့ပြီး ဒုတိယ ၃ လပတ်တွင် ကန်ဒေါ်လာ ၄၅၆ သန်းဖိုး တင်ပို့ခဲ့သည်။

ယမန်နှစ် ပထမ ၆ လတွင် ကန်ဒေါ်လာ ၁၃၄ သန်းဖိုး တင်ပို့ခဲ့သည်။

ယခုနှစ် ပထမ ၆ လအတွင်း ပြည်ပမှ ရွှေ တင်သွင်းခြင်း မရှိခဲ့ပါ။ 

လက်ရှိတွင် ကမ္ဘောဒီးယားမှာ ရွှေသတ္တုရိုင်း ထုတ်လုပ်သည့် ကုမ္ပဏီခြောက်ခုရှိသည်။ 

၎င်းကုမ္ပဏီ ၆ ခုမှာ

• Renaissance Minerals (Cambodia) Ltd 

• Xinshan 

• Delcom Cambodia

• Rong Cheng 

• Xing Yuan 

•  Late Cheng Mining Development Co., Ltd

တို့ ဖြစ်ပါသည်။

အများဆုံး ထုတ်လုပ်သည့် ကုမ္ပဏီမှာ ဩစတေးလျ အခြေစိုက် Renaissance Minerals ဖြစ်ပြီး ထုတ်လုပ်ခဲ့သည့် ရွှေသတ္တုရိုင်း ပမာဏ ၇.၈ တန် ရှိပြီ ဖြစ်သည်။ ကုမ္ပဏီသည် ရွှေသတ္တုရိုင်းကို ဩစတေးလျသို့ တင်ပို့ပြီး ဩစတေးလျတွင် သန့်စင်သည်။

Source khmertimeskh 

To Get Instant Update
https://t.me/Guid4U
JOIN THE CHANNEL