သဝန်တိုတယ်ဆိုတာ သမီးရည်းစားတွေကြားက မရှိမဖြစ်လိုအပ်တဲ့ ချစ်စရာကောင်းတဲ့ အလေ့အထလေးတစ်ခုပါပဲ။ ကိုယ့်ချစ်သူအပေါ် သံသယစိတ်နဲ့မဟုတ်ဘဲ ချစ်စနိုးတွန့်တိုတဲ့ အပြုအမူလေးဟာ ကြည်နူးစေပါတယ်။
ဒါပေမဲ့ ဒီကြည်နူးမှုတွေဟာ သံသယတွေ၊ မယုံကြည်မှုတွေ ရောစွက်မလာတဲ့အထိပါပဲ။ မေတ္တာတရားကို အရင်းခံထားတဲ့ ချစ်ခြင်းဟာအေးမြပေမဲ့ သံသယတွေဝင်လာရင် ပူလောင်ရတယ်လေ။ အဲ့တော့ သဝန်တိုတိုင်း ချုပ်ချယ်သင့်လားဆိုတာကို အတူတူအဖြေရှာကြည့်ရအောင်နော်။
သဝန်တိုတယ်ဆိုတာ ကိုယ့်ချစ်သူကို သူများရိသဲ့သဲ့လာလုပ်လို့ဖြစ်စေ၊ တစ်စုံတစ်ခုသောအကြောင်းကြောင့် ကိုယ်ကသံသယနဲ့ သူက ငါ့နောက်ကွယ်မှာ နောက်တစ်ယောက်များ ထားနေမလား ဆိုတဲ့သံသယစိတ်လေး သေးသေးလေးဝင်သွားတာ ဖြစ်ပါတယ်။ အဲ့ဒီသံသယစိတ်လေးကနေ ' ဟင်း ကိုကိုနော် ' ဘာညာလောက်အထိက ချစ်ဖို့ကောင်းပေမဲ့ ‘နင်အဲ့ကောင်မနဲ့ ပတ်သက်နေတာလား’ ဆိုတဲ့အထိရောက်ရင်တော့ ရှော့ခ်ကြီးပါတယ်။ ကိုယ်က သက်သေလက်ဆုပ်လက်ကိုင်ရှိထားရင် တစ်မျိုးပေါ့။ အကယ်လို့ကိုယ်က သက်သေရယ်လို့ သတ်သတ်မှတ်မှတ်မရှိဘဲ အထင်တစ်ခုတည်းနဲ့ သွားစွပ်စွဲရင်တော့ ချစ်စရာကောင်းတဲ့အပြုအမူ ဆိုတာကနေ စိတ်ပျက်စရာအတိ ဖြစ်သွားတတ်ပါတယ်။ မယုံကြည်ရာကနေ သံသယတွေထပ်ဆင့်ထပ်ဆင့်ပွားပြီး နောက်ဆုံးသူဘာပြောပြော ဘာလုပ်လုပ်မယုံကြည်နိုင်တော့တဲ့အထိ ဖြစ်သွားတတ်တာမျိုးပေါ့..
နောက်တစ်ခုက ‘ကိုယ်အတိတ်မှာ ဒီလိုတွေခံခဲ့ရလို့ ဒီလူ့ကိုလည်းမယုံတော့ဘူးဆိုတာမျိုး’ ။ လူမတူသလို စိတ်ထားတွေလည်းမတူဘူလေ။ ကိုယ့်စိတ်အစွဲကြောင့် သူများသားသမီးကို ထိုင်စွပ်စွဲနေတာကြီးက အလုပ်မဟုတ်ဘူးလေ။ မဟုတ်တာကို အဟုတ်လုပ်ပြီး စွပ်စွဲပေါင်းများရင်လည်း ကြာလာရင် ပြဿနာတွေ တအားကြီးလာမှာပါ။ ကိုယ်ယိုးစွပ်လိုက်တဲ့ လူအတွက်လည်း မကောင်းဘူးလေ။ အဲ့လိုသဝန်တိုတာကနေ ချုပ်ချယ်တာတွေဖြစ်လာရော။
ကိုယ်မပါဘဲ ဘယ်မှမသွားရဘူးတို့၊ ကိုယ်ကလွဲပြီး တခြားဘယ်သူ့ကိုမှ စကားမပြောရဘူးတို့၊ ဘယ်လိုပဲ ကိုယ့်ချစ်သူဖြစ်နေနေ၊ ဘယ်လောက်ရင်းနှီးနှီး သူများဖုန်းကို အခွင့်မရှိ ပိုင်စိုးပိုင်နင်းယူစစ်တာတို့က အမှန်တော့ သူများရဲ့ကိုယ်ရေးကိုယ်တာကို မတရားဝင်စွက်ဖက်ရာရောက်ပါတယ်။ အရင်ဆုံးသတိထားမိရမှာက ဒီလိုကိုယ်က သူ့ကိုချုပ်ချယ်လိုက်တယ်ဆိုတာ သူ့ကိုမယုံကြည်ရာရောက်ပါတယ်။ တစ်ခါတလေ သူငယ်ချင်းတွေစုပြီး ပျော်ကြ ပါးကြတာမျိုးဆိုရင်လည်း ‘အရက်မသောက်ရဘူး၊ KTV မသွားရဘူး။ ဘာမလုပ်ရ ညာမလုပ်ရ’ စသည်ဖြင့်ပြောတော့ရော သူကတကယ်မလုပ်ဘူးထင်လို့လား? ကိုယ်ကထိန်းချုပ်တော့ရော တသွေမသိမ်းသူက လိုက်တယ်ထင်လား?
ကိုယ်ကနားလည်မပေးတော့ ခိုးလုပ်မယ်။ သိတော့သတ်ကြမယ်။ ဘာအကျိုးရှိတာတွေ့လို့လဲ? လူတစ်ယောက်ရဲ့ဘဝကို ထဲထဲဝင်ဝင် အဲ့လိုထိန်းချုပ်လို့မရနိုင်တော့ ဘယ်လိုတွေလုပ်ကြမလဲ? အဲ့တော့ အကုန်လုံးကြီးထိန်းချုပ်မယ့်အစား လုပ်သင့်တာ၊ ဖြစ်သင့်တာလောက်ကို အေးအေးဆေးဆေး ညှိပြီး လိုတိုးပိုလျှော့လုပ်ပေးမယ်ဆိုရင် ပိုအဆင်မပြေကြဘူးလား?
အဲ့တော့ သဝန်တိုတိုင်း ချုပ်ချယ်သင့်လားဆိုတော့ မချုပ်ချယ်သင့်ပါဘူး။ အတိုင်းအတာတစ်ခုအထိ လွှတ်ထားသင့်သလောက် နားလည်ပေးသင့်သလောက်လွှတ်ပေးထားပြီး ဒီထက်ကျော်လာရင်တော့ အေးအေးဆေးဆေး တိုင်ပင်ပြီး မကြိုက်တဲ့အကြောင်း သေသေချာချာပြောဆိုတာမျိုး အဲ့လိုတွေလုပ်ကြည့်ပါ။ တစ်သက်လုံးအနားမှာ တစ်ကောက်ကောက်လိုက်နေဖို့ မဖြစ်နိုင်သလို အဲ့လိုချုပ်ချယ်ပေါင်းများရင်လည်း စိတ်ပျက်သွားပြီး ဝေးကြရတာမျိုးတွေဖြစ်တတ်ပါတယ်။ အဲ့ဒါကြောင့် သဝန်တိုတာနဲ့ ချုပ်ချယ်တာကို ကွဲကွဲပြားပြားသိအောင်လုပ်ပြီး ချစ်စရာကောင်းတဲ့ အပြုအမူလေးတွေပဲ နှစ်ယောက်ကြားမှာ ရှင်သန်နေမယ်ဆိုရင် တော်တန်ရုံကွဲကြ ကွာကြတာမျိုးတွေလည်း မဖြစ်တော့ဘူးလေ။ ကိုယ်ကဒီလောက် နားလည်ပေးတာတောင် အလွဲသုံးစားလုပ်သွားရင်တော့ ‘မွဲချင်တဲ့ခွေး ပြာပုံတိုးတယ်’ လို့ပဲသတ်မှတ်ပြီး ရေစက်သာချလိုက်ပါ။
Credit;Hnin Ei Oo (For Her Myanmar)
