လူတိုင်းမှာ ပထမဆုံးအရာတွေ ရှိခဲ့ဖူးပါတယ်။ ကျောင်းကို ပထမဆုံးသွားတဲ့နေ့၊ ကားစမောင်းတဲ့နေ့ ၊ အရက်စသောက်ဖူးတဲ့နေ့ ၊ အနမ်းစပေးဖူးတဲ့နေ့ စသဖြင့်ပေါ့။
အဲ့ဒီပထမဆုံးအရာတွေအားလုံးဟာ သင့်ကိုစိတ်လှုပ်ရှားမှုကိုဖြစ်စေပြီး အမြဲတမ်းအတွက် အမှတ်တရဖြစ်နေပါတယ်။ ပထမဆုံးအရာတွေထဲမှာ လူတိုင်းအတွက် အမှတ်ရဆုံးကတော့ အချစ်ဦး ပါပဲ။ လူတွေဟာ အချစ်ဦးကိုဘာလို့ မမေ့နိုင်ကြသလဲ ဆိုတဲ့ အကြောင်းရင်းလေးတွေကိုဖတ်ကြည့်လိုက်ပါဦးနော်။
(၁) ပထမဆုံးအချစ်က အင်အားကြီးမားတယ်
သင့်အနေနဲ့ဘ၀မှာ ပထမဆုံးအချစ်ကို ခံစားလိုက်ရတဲ့အချိန်မှာ လောကကြီးတစ်ခုလုံးမှာ သူနဲ့ကိုယ်နှစ်ယောက်တည်းရှိတော့တယ်ဆိုတဲ့ ခံစားချက်မျိုးဖြစ်လာမှာပါ။ ပြီးတော့ ကိုယ်အပြည့်အ၀နားမလည်နိုင်သူတစ်ယောက်နဲ့ တစ်ဘ၀လုံးအတူတူဖြတ်သန်းသွားဖို့ဖြစ်နိုင်တယ်လို့ ထင်လာမှာပါ။ သူနဲ့ဆိုရင် အရာအားလုံးဖြစ်နိုင်တယ်လို့ခံစားလာရပြီး ဘ၀ရဲ့စိတ်လှုပ်ရှားဆုံးအချိန်တွေဖြစ်ခဲ့မှာပါ။ သေချာတာကတော့ အဲ့ဒီအချိန်ကခံစားချက်တွေက အားကောင်းလွန်းလို့ ဘယ်တော့မှမေ့ဖို့မဖြစ်နိုင်တော့ပါဘူး။
(၂) ပထမဆုံးသော အသည်းကွဲဝေဒနာကလည်း ဆိုးရွားလွန်းတယ်
အချစ်က ပထမဆုံးဆိုရင်၊ ဒီအချစ်နဲ့လွဲသွားခဲ့ရင်ကြုံရမယ့် အသည်းကွဲ ဝေဒနာကလည်း ပထမဆုံးပါပဲ။ ပထမဆုံးတွေက အချစ်မှာ အားကောင်းသလောက် အသည်းကွဲ ဝေဒနာကိုလည်း ဆိုးဆိုးရွားရွား ရင်ဆိုင်ရမှာပါ။ သူ့ကိုလက်လွှတ်ဖို့အရမ်းခက်ခဲနေပြီး ကိုယ်တိုင်ကျောခိုင်းဖို့လည်း တော်တော်ကြိုးစားရတာပါ။ လက်လွှတ်ဖို့၊ကျောခိုင်းဖို့ စိုက်ထုတ်ရတဲ့အားနဲ့ ကြေကွဲရတဲ့အတိုင်းအတာက အတူတူပါပဲ။ အဲ့ဒါကြောင့် ဘ၀ရဲ့ပထမဆုံးသောအချစ်ကြောင့် ကြေကွဲရတာကို ဘယ်သူမှမမေ့နိုင်ကြတာပါ။
(၃) ပထမဆုံးအချစ်က အပြစ်ကင်းစင်တယ်
လူတိုင်းအတွက် ပထမဆုံးအချစ်မှာ တခြားရည်ရွယ်ချက်တွေ၊ ရလိုမှုတွေ ၊ တစ်ယောက်နဲ့တစ်ယောက်ကြားအတွက်အချက်တွေ လုံးဝမရှိဘဲ အပြစ်ကင်းစင်ကြပါတယ်။ ဒါပေမယ့် ပထမဆုံးအချစ်ကြောင့် ဖြစ်ခဲ့တဲ့ ခံစားချက်တွေက နောက်ထပ်ကြုံရမယ့် အချစ်နဲ့ဘ၀ကို အနည်းနဲ့အများ သက်ရောက်မှုဖြစ်စေပါတယ်။
(၄) ပထမဆုံးအချစ်ကြောင့် ပထမဆုံးအမှတ်တရတွေ ရှိခဲ့တယ်
ပထမဆုံးအချစ်ကြောင့် ပထမဆုံးအနမ်းနဲ့ တခြားသော ပထမဆုံးအမှတ်တရတွေကို ရရှိခဲ့ကြတာကြောင့် မေ့ဖို့မဖြစ်နိုင်တာပါ။
(၅) ငါတို့ နှစ်ယောက်ဆိုတဲ့ ခံစားချက်
အမြဲတမ်း “ငါ၊ ငါ့အတွက်” ဆိုပြီး စဉ်းစားခဲ့ပြီး သူနဲ့ကျမှ “ငါတို့နှစ်ယောက်” ဆိုပြီး ဘာကိုပဲစဉ်းစား စဉ်းစား သူပါနေတဲ့ ခံစားချက်မျိုးလည်း ပထမဆုံးဖြစ်ခဲ့ဖူးတာပါ။
(၆) ပထမဆုံးအချစ်က ကာယကံရှင်နှစ်ယောက်ကြောင့် အဆုံးသတ်တာရှားတယ်
ဘ၀မှာ ပထမဆုံးပေါ်ပေါက်လာတဲ့ အချစ်က ကာယကံရှင်နှစ်ယောက်ကြောင့် အဆုံးသတ်တာထက် ပတ်ဝန်းကျင်နဲ့ တခြားအကြောင်းအရာအမျိုးမျိုးကြောင့် အဆုံးသတ်သွားကြတာများပါတယ်။ ဒါကြောင့် နှစ်ယောက်သားအပြန်အလှန် စိတ်နာတာ၊ မုန်းတာစတဲ့ ခံစားချက်မျိုး မဖြစ်ကြတာကြောင့် အချစ်ဦးကို မမေ့ကြတာပါတဲ့။
(၇) ငယ်ဘ၀နဲ့အတူ ဖြစ်လာတဲ့ခံစားချက်မို့
လူတွေဟာ ငယ်ဘ၀ရဲ့နုပျိုမှုတွေကို တမ်းတတတ်ကြတဲ့အကျင့်ရှိကြပါတယ်။ အဲ့ဒီလိုငယ်ဘ၀ကိုတမ်းတတဲ့အချိန်မှာ ငယ်ရွယ်နုပျိုမှုနဲ့အတူ First Love ကလည်း ပြန်ပြန်တွေးမိတဲ့ အကြောင်းအရာ ခံစားချက်တစ်ခု ဖြစ်နေတာကြောင့် ဘယ်တော့မှမမေ့တော့တာပါ။
(၈) အရာရာဖြစ်နိုင်တယ်ဆိုတဲ့ ခံစားချက်ကိုဖြစ်စေခဲ့လို့
ငယ်ရွယ်စဉ်မှာ ဖြစ်လာတဲ့ အချစ်ခံစားချက်တွေက လူတစ်ယောက်အတွက်ဘ၀မှာ အရာရာဖြစ်နိုင်တယ်ဆိုတဲ့ခံစားချက်မျိုးဖြစ်ပေါ်လာစေပါတယ်။ ဒါကြောင့် အခက်အခဲတစ်ခုခုကြုံလာရင်၊ ခက်ခဲတဲ့ဆုံးဖြတ်ချက်တွေချဖို့ဖြစ်လာရင် မသိစိတ်က အဲ့ဒီခံစားချက်က ပြန်ဖြစ်ပေါ်လာပါတယ်။ အဲ့ဒါကလည်း အချစ်ဦးကို မမေ့ရခြင်း အကြောင်းရင်း တစ်ခုပါ။
(၉) သင့်ကိုပြောင်းလဲစေခဲ့တယ်
အချစ်ဦးကြောင့် ဖြစ်လာတဲ့ ခံစားချက်ကြောင့် ကောင်းတဲ့ အပြောင်းအလဲလေးတွေ ဖြစ်ပေါ်လာစေပါတယ်။ လူတစ်ယောက်ကို ရင့်ကျက်စေနိုင်တာကလည်း ပထမဆုံးအချစ်ပါပဲ။
(၁၀) ဘ၀မှာတစ်ကြိမ်ပဲ ကြုံခွင့်ရှိတဲ့အရာ
ဘ၀ကဘယ်လောက်ပဲကြာရှည်ပါစေ၊ ပထမဆုံးအချစ် ကိုတော့ တစ်ကြိမ်တစ်ခါပဲကြုံရမယ့်အရာပါ။ အချစ်ဆုံးတွေဘယ်လောက်ပဲရှိရှိ အချစ်ဦးကတော့ အချစ်ဦးပါပဲ။
Credit;Aunty May
