သင့်ကိုလူတစ်ယောက်က ဆက်သွယ်လိုက်၊ မဆက်သွယ်လိုက်၊ တစ်ခါတလေအရမ်းချစ်သလိုလိုလုပ်နေတတ်ပြီး တစ်ခါတလေကျပြန်တော့လည်း မချစ်သလိုလို နေတတ်တယ်။
သင့်အပေါ်သူ့ရဲ့ခံစားချက်တွေနဲ့ ပတ်သက်ပြီးသင့်မှာ ဇဝေဇဝါဖြစ်နေရတယ်ဆိုရင်တော့ သင်ဟာ သူ့အတွက် လိုသုံးသက်သက်တစ်ယောက်ပဲ ဖြစ်နေနိုင်ပါတယ်။ ခုဖော်ပြပေးမယ့်အချက်တွေနဲ့ သင်တို့နှစ်ယောက်ကြားက အခြေအနေတွေက တူညီနေတယ်ဆိုရင်တော့ သင်ဟာသူ့အတွက် လိုသုံးဖြစ်နေတာကြောင့် သူ့ဆီက ဘာမျှမမျှော်လင့်တာ အကောင်းဆုံးပါပဲ။
(၁) သင်လိုအပ်တဲ့အချိန်တွေမှာ သင့်အတွက်ရှိမနေဘူး
သင့်ကိုတကယ်စိတ်ရင်းနဲ့ချစ်တဲ့သူက သင်လိုအပ်နေတဲ့အချိန်တွေတိုင်းမှာ သင့်အနားအရောက်လာနိုင်တဲ့သူပါ။ သင်တစ်ယောက်တည်း ခံစားနေရမှာ၊ ဝမ်းနည်းနေမှာ၊ အားငယ်နေမှာကိုလုံးဝမလိုလားသလို သင့်အတွက်သူ့မှာ တာဝန်ရှိတယ်လို့ ခံယူထားသူပါ။ ဒီလိုမှမဟုတ်ပဲ သူလိုတဲ့အချိန်ကျရင်တော့ သင့်ကိုခေါ်တတ်ပြီး သူမလိုအပ်ရင်တော့ သင့်ဖက်က ဘယ်လောက်ပဲ သူ့ကိုလိုအပ်နေပါစေ၊ အကြောင်းအမျိုးမျိုးပြပြီး သင့်အနားမှာရှိနေမှာ မဟုတ်ပါဘူး။
(၂) အနားမှာရှိတဲ့အချိန်တော့ အရမ်းသည်းတယ်
သင့်ကိုလိုသုံးတစ်ယောက်လို သဘောထားတဲ့ ယောက်ျားတစ်ယောက်ဟာ သင့်ကိုအမြဲတမ်း ဂရုစိုက်ကြင်နာနေမှာမဟုတ်ပါဘူး။ ဒါပေမယ့် သင်နဲ့တွေ့တဲ့အချိန်တွေ၊ သင့်အနားမှာရှိနေတဲ့အချိန်တွေဆိုရင် သင့်ကို အရမ်းသည်းပြ၊ ကြင်နာပြပြီး ဂရုစိုက်ပြမယ့်သူမျိုးပါ။ တခြားယောက်ျားတွေနဲ့ပဲ သဝန်တိုတာလိုလို၊ သင့်အနားကပဲ မခွာနိုင်တော့သလိုလို အထာတွေဖမ်းတော့မှာပါ။ ဒါတွေကသင့်ကိုချစ်လို့ လို့မထင်လိုက်ပါနဲ့။ နောက်များမှာလည်း သူလိုအပ်တဲ့အချိန်တိုင်း သင်ရှိနေနိုင်အောင်လို့ ချုပ်ထားတာဖြစ်ပါတယ်။
(၃) လိုမှပဲသင့်ကို ဆက်သွယ်တယ်
သင့်ကိုတကယ်ချစ်တဲ့သူတစ်ယောက်ဟာ သင့်ကိုမှန်မှန်လေး အဆက်အသွယ်လုပ်တတ်တဲ့သူပါ။ ဒီလိုမှမဟုတ်ပဲ အချိန်ကြာကြာသင့်ကိုမဆက်သွယ်ပဲ ပစ်ထားပြီး အကူအညီတောင်းစရာရှိမှ ဒါမှမဟုတ် ပျင်းတဲ့အခါတွေမှ ဆက်သွယ်ပြီး တွေ့ဖို့ချိန်းတယ်၊ လာဆက်သွယ်တယ်ဆိုရင်တော့ သင်ဟာ သူ့အတွက် လိုသုံးတစ်ယောက်ပဲဆိုတာ သိထားလိုက်ပါတော့။ သင့်ကိုသတိရလို့၊ လွမ်းလို့လို့မထင်လိုက်ပါနဲ့။ သူ့ရဲ့လိုနေတဲ့ကွက်လပ်ကိုဖြည့်ဖို့အတွက် သင့်ကို ခဏတာသုံးချင်တာဖြစ်ပါတယ်။
(၄) သင့်အကြောင်းကို မေးလေ့မရှိဘူး
ယောက်ျားတစ်ယောက်ဟာ သူချစ်တဲ့မိန်းကလေးရဲ့အကြောင်း၊ သူငယ်ချင်း၊ မိသားစုတွေအကြောင်းကို မေးလေ့ရှိပြီး တကယ်လည်း စိတ်ဝင်တစားရှိပါတယ်။ ဒါတင်မကသေးပါဘူး အပြန်အလှန်အားဖြင့် သူ့သူငယ်ချင်းတွေနဲ့ သူ့အသိုင်းအဝိုင်းတွေအကြောင်းကိုလည်း ပြောပြတတ်သလို၊ မိတ်ဆက်ပေးတာမျိုးတွေတောင် လုပ်တတ်ပါတယ်။ ဒီလိုမှမဟုတ်ပဲ ယောက်ျားလေးတစ်ယောက်ဟာ သင့်အကြောင်းကိုစိတ်မဝင်စားဘူး၊ သူ့အကြောင်းကိုလည်း မပြောဖူးဘူးဆိုရင်တော့ သင့်ဘဝထဲကိုသူမဝင်ချင်သလို၊ သူ့ဘဝထဲကိုလည်း သင့်ကိုမဝင်စေချင်တဲ့ သဘောပါပဲ။ လိုတဲ့အချိန်သုံးပြီး မလိုတော့ရင်အနှောင်အဖွဲ့ကင်းစွာ ထားခဲ့နိုင်အောင်ပေါ့။
(၅) သူ့ရဲ့အနာဂတ်အစီအစဉ်တွေမှာ သင်မပါဘူး
သင့်ကိုချစ်တဲ့ယောက်ျားတစ်ယောက်ရဲ့ အနာဂတ်မှာ သင်အမြဲတမ်းပါဝင်နေမှာဖြစ်သလို၊ သူ့ရဲ့အနာဂတ် အစီအစဉ်တွေအားလုံးကို သင်သိပြီးသားဖြစ်နေရမှာဖြစ်ပါတယ်။ ဒီလိုမှမဟုတ်ပဲ သူ့အနာဂတ်တွေ၊ သူ့ရည်မှန်းချက်တွေကိုလည်း တစ်ခါမှ သင့်ကိုမပြောပြဖူးဘူး၊ ၊ ပြောဖူးခဲ့ရင်တောင် သင်ပါဝင်မနေဘူးဆိုရင်တော့ သေချာပါတယ်။ သင်ဟာသူ့အတွက် လိုသုံးပါ။
Credit;Aunty May
