ယောင်္ကျားလေးတွေက သူတို့သိပ်ချစ်တဲ့မိန်းကလေးတစ်ယောက်ကိုရထားပြီဆိုရင် ဖူးဖူးမှုတ်ထားပြီး
အလိုလိုက်အကြိုက်ဆောင်၊ အရမ်းကိုချစ်တတ်ကြတဲ့သူတွေပါ။ သူတို့ တကယ်မချစ်တဲ့မိန်းကလေးနဲ့တွေ့ရင်လည်း အမူအရာပျက်တာတွေက သိသာပါတယ်။ ဘယ်လိုအပြုအမူတွေလုပ်နေပြီဆိုရင် ကိုယ့်ကိုအပျော်ကြံနေပြီလည်းဆိုတာသိနိုင်အောင် ဖော်ပြပေးလိုက်ပါတယ်။
(၁) ပုံမှန်ဖုန်းမဆက်တော့ဘူး
အရမ်းချစ်ကြတဲ့ချစ်သူတွေကြားမှာ အထူးသဖြင့်ယောင်္ကျားလေးတွေက ကိုယ့်ကောင်မလေးကို ဘယ်ရောက်နေတယ်၊ ဘာလုပ်နေတယ်စသဖြင့် ဖုန်းဆက်ပြီးပြောပြတတ်ကြပါတယ်။ တကယ်မချစ်တော့ဘူးဆိုရင် သိသာတဲ့အချက်က တီတီတာတာပြောဖို့နေနေသာသာ ဂရုစိုက်ပြီးဖုန်းတောင်မဆက်တော့ပါဘူး။
(၂) ချက်ချင်း Reply မပြန်ဘူး
အွန်လိုင်းပေါ်မှာကိုယ့်ချစ်သူကောင်လေးကိုတွေ့လို့စာပို့လိုက်ရင် ချက်ချင်း Reply မပြန်တော့ပါဘူး။ ဘာဖြစ်လို့လဲဆိုတော့ အဲ့ဒီအချိန်မှာသူဟာ သင်တစ်ယောက်တည်းနဲ့စကားပြောနေတာဟုတ်ချင်မှဟုတ်ပါလိမ့်မယ်။ သူ့မှာတခြားကြူစရာတွေရှိနေလို့လည်းဖြစ်နိုင်ပါတယ်။ ဂိမ်းဆော့နေတာတို့ အွန်းလိုင်းဖွင့်ပြီးဖုန်းတခြား လူတခြားဖြစ်နေတာတို့ဆိုရင်တော့ ခြွင်းချက်ပေါ့နော်။
(၃) သင်နဲ့တွေ့ရတာမပျော်ဘူး
သင်နဲ့တွေ့နေတဲ့အချိန်မှာ အမြဲတမ်းပဲ စိတ်ရှုပ်နေသလိုလို၊ စိတ်ညစ်နေသလိုလို၊ ကိုယ့်အပေါ်မှာအာရုံမရှိဘဲ စိတ်တွေတခြားရောက်နေပါပြီ။ တကယ်ဆို ကိုယ့်ချစ်သူနဲ့တွေ့ရတဲ့အချိန်လေးဟာ တန်ဖိုးရှိသလောက်အရမ်းကိုပျော်ရွှင်နေရမှာပါ။ ဒီလိုတွေဖြစ်နေပြီဆိုရင်တော့ သူ့ဘက်ကသင့်ကိုလမ်းခွဲချင်နေလို့ပါပဲ။
(၄) အားနည်းချက်ကို အမြဲတမ်းပြောတယ်
သင့်ကိုသူကအပျော်လောက်သာ သဘောထားတဲ့အတွက် သင်စိတ်ဆိုးခြင်း၊မဆိုးခြင်းဟာ သူနဲ့မဆိုင်သလိုပါပဲ။ သင်စိတ်ဆိုးမှာကိုလည်း ဂရုမစိုက်ဘဲ သင့်ရဲ့အားနည်းချက်ကို လူကြားထဲမှာအမြဲတမ်းပြောပြီးသင့်ရဲ့ဂုဏ်သိက္ခာကိုညှိုးနွမ်းအောင်လုပ်နေတာတွေဟာ သင့်ကိုသူတကယ်မချစ်လို့ပါ။ ကိုယ့်ချစ်သူကိုတကယ်ချစ်တဲ့ယောင်္ကျားလေးက ကိုယ့်ချစ်သူတန်ဖိုးကျအောင်ဘယ်တော့မှမလုပ်ပါဘူး။
(၅) နောက်ကွယ်မှာခြေရှုပ်နေပြီ
ဒါကတော့ နောက်ဆုံးအဆင့်ဖြစ်သွားပါပြီ။ သင့်နောက်ကွယ်မှာခြေရှုပ်နေပြီဆိုကတည်းက သင့်ကိုသူတကယ်အချစ်စစ်နဲ့ချစ်တာမဟုတ်ဘူးဆိုတာ သေချာသွားပါပြီ။ နောက်ကွယ်မှာဇယားတွေရှုပ်နေတာ၊ Silent တွေတွဲနေတာတွေကို သင်သိသွားတဲ့အခါမှာလည်း သူ့ဘက်ကအဆင်သင့်လမ်းခွဲနိုင်အောင် ပြင်ဆင်နေတာပါပဲ။
Read More: ချစ်သူအပေါ်တန်ဖိုးထားတဲ့ချစ်ခြင်းမျိုးဖြစ်ပါစေ
Source – Aunty May
