ပူပြင်းခြောက်သွေ့လှတဲ့ နွေရာသီရောက်လာတာနဲ့အမျှ လူတွေဟာ နည်းနည်းလေးလှုပ်ရှားလိုက်တာနဲ့ ချွေးထွက်များပြီး
ဆားဓာတ်ကုန်ခမ်းခြင်းကြောင့်ပင်ပန်းနွမ်းနယ်နေရုံမျှမက စိတ်ရှုပ်ထွေးမှုတွေများခြင်းကြောင့် ပြတ်စဲတဲ့ချစ်သူစုံတွဲတွေများနေတယ်လို့ သုတေသနပညာရှင်တွေကဆိုပါတယ်။
အေးချမ်းတဲ့ဆောင်းရာသီမှာချစ်ကြိုက်ခဲ့ကြတဲ့စုံတွဲအများစုဟာ အခုလိုပူပြင်းတဲ့နွေရာသီမှာတော့ ပြတ်စဲနေကြပါပြီလို့ဆိုပါတယ်။ ဆောင်းရာသီရဲ့သဘောသဘာဝအရ ပျင်းရိခြင်းနဲ့ စိတ်ဓာတ်ကျခြင်းတို့ကိုဖြစ်ပေါ်စေတဲ့အတွက် ဆောင်းရာသီမှာတော့ လက်တွဲဖော်ကိုရှာတတ်ကြပါတယ်တဲ့။
ဆောင်းရာသီမှာ နေပူရှိန်ဟာလျော့နည်းတဲ့အတွက် အမှောင်ထုကိုအားပေးပြီး လူကိုပင်ပန်းစေတဲ့ Melatonin လို့ခေါ်တဲ့ဟော်မုန်းဓာတ်ကို လူ့ခန္ဓာကိုယ်ကထုတ်လုပ်မှုများတယ်လို့သိရပါတယ်။ လူကိုပျော်ရွှင်ပေါ့ပါးနေစေတဲ့ Serotonin ဆိုတဲ့ဟော်မုန်းဓာတ်ကိုတော့ ဆောင်းရာသီမှာ ထုတ်လုပ်မှုနည်းတယ်လို့သိရပါတယ်။
နွေရာသီမှာတော့ နေရောင်ခြည်ဓာတ်ပိုမိုရတာနဲ့အမျှ လူ့ရဲ့ဦးနှောက်ဟာ Melatonin ဓာတ်ထက် Serotonin ဓာတ်ကိုပိုပြီးထုတ်ပေးနိုင်တဲ့အတွက် လူတွေကိုပျော်ရွှင်မှုတွေရစေပြီး အထီးကျန်မှုတွေ၊ အနားမှာလူတစ်ယောက်ရှိနေမှဖြစ်မယ့်အခြေအနေမျိုးတွေမရှိတာကြောင့် စုံတွဲတွေဟာ ပြတ်စဲနေကြတာဖြစ်တယ်လို့ ပညာရှင်တွေကဖော်ပြခဲ့ပါတယ်။
ဒါ့အပြင် ပူပြင်းတဲ့နွေရာသီဟာ အိမ်မှာနေချင်စိတ်ထက် ဈေးဝယ်စင်တာတွေ၊ ရုပ်ရှင်ရုံတွေလိုအေးတဲ့နေရာတွေမှာ ပိုမိုနေချင်တဲ့ဆန္ဒထက်သန်စေတယ်လို့ဆိုပါတယ်။ ဒါကြောင့်ပဲ လူတွေနဲ့ပိုပြီးတွေ့ဆုံရ၊ ဆက်ဆံရတဲ့အတွက် စိတ်ပျော်ရွှင်မှုကိုပိုခံစားရစေတယ်လို့ ဖော်ပြထားပါတယ်။
Read More: Whatsapp မှအမည်မသိမက်ဆေ့ခ်ျတစ်စောင်ကနေစပြီးအိမ်ထောင်ပြုတဲ့အထိရင်းနှီးခဲ့ကြတဲ့စုံတွဲ
