မင်္ဂလာပွဲဆိုတာ တစ်သက်မှာတစ်ခါ ချိမ့်ချိမ့်သဲသဲကျင်းပရတာမို့လို့ အထူးသဖြင့် ကောင်မလေးတွေအတွက်တော့ ဘဝမှာတန်ဖိုးအထားရဆုံးအခမ်းအနားလေးတစ်ခုပါပဲ။
ဒါပေမယ့်လည်း ခေတ်ကာလတွေပြောင်းလဲလာတာနဲ့အမျှ မင်္ဂလာပွဲဆိုတာကို မင်္ဂလာယူရုံတင်မကဘဲ သူ့ထက်ငါ အပြိုင်အဆိုင်ကျင်းပလာကြတော့ မလိုအပ်တဲ့နေရာမှာ အပိုငွေတွေအများကြီးအကုန်ခံကြတာမျိုးတွေလည်း များလာတယ်နော်။ တကယ်တော့ တချို့နေရာတွေက တကယ်ကို မလိုအပ်တာပါ။ အရမ်းချမ်းသာကြွယ်ဝနေတယ်ဆိုရင်တော့လည်း တမျိုးပေါ့။ ဒီလိုမှမဟုတ်ဘဲ သာမာန်လူတန်းစားတွေအတွက်ကတော့ ကိုယ်ကသာ စုဆောင်းထားတဲ့ငွေလေးတွေ ခြစ်ကုတ်ပြီးတော့ သုံးလိုက်ရတယ်။ ဘာမှမထိရောက်ခဲ့တာတွေ များပါတယ်။ ဒါကြောင့်မို့လို့ မင်္ဂလာပွဲတော်တော်များများမှာ ပိုက်ဆံအကုန်ခံကြပေမယ့် ဘယ်သူမှဂရုစိုက်မှာမဟုတ်တဲ့ အချက်တွေရှိပါတယ်။
လက်သည်းခြေသည်းအလှအပပြင်ဆင်လိုက်တယ်
မင်္ဂလာပွဲအတွက် လှသထက်လှအောင် လက်သည်းလေးတွေ၊ ခြေသည်းလေးတွေကို ငွေကုန်ကြေးကျခံပြီး ပုံဖော်ပြင်ဆင်လိုက်တာကလည်း မသိသာပေမယ့် ငွေကုန်သွားတယ်မဟုတ်လား။ ကိုယ်တစ်ယောက်တည်းမဟုတ်ဘဲ တချို့တွေဆိုရင် သတို့သမီးအရံတွေနဲ့ ပန်းကြဲ၊ ဗန်းကိုင်တွေကိုပါ ဆင်တူလေးတွေပြင်ဆင်ပေးလေ့ရှိပါတယ်။ ဒါဟာ အလကားငွေဖြုန်းတာနဲ့အတူတူပါပဲ။ ၂နာရီကျော်သာ ကြာမယ့် ဒီမင်္ဂလာအခမ်းအနားမှာ သင်တို့ရဲ့ လက်သည်းအလှတွေကို ဘယ်သူကမှ ဂရုစိုက်မိမှာမဟုတ်ပါဘူး။
အကောင်းစားပန်းတွေချည်းပဲ ရွေးသုံးလိုက်တယ်
မင်္ဂလာအခမ်းအနားတစ်ခုလုံးကို ဈေးကြီးမှကြီးပေ့ဆိုတဲ့အကောင်းစားပန်းတွေချည်းပဲ မြိုင်နေအောင် သုံးလိုက်တယ်။ ဒါဆိုရင် ငွေလည်း တော်တော်ကုန်သွားပုံရပါတယ်နော်။ အရမ်းကိုချမ်းသာကြွယ်ဝနေရင်တော့ တမျိုးပေါ့။ ဒီလိုမှမဟုတ်ဘူးဆိုရင်တော့ လှပပြီးသင့်တော်တဲ့ပန်းတွေကိုသာ ရွေးသုံးဖို့ အကြံပေးချင်ပါတယ်။ ပွဲပြီးရင်လိုက်မေးကြည့်ပါ။ ဒီပန်းတွေကို အချိန်ကုန်ခံအာရုံစိုက်ပြီး တစ်ပွင့်ချင်းစီ အသေးစိတ်လိုက်ကြည့်ထားတဲ့သူတွေ ဘယ်သူရှိလဲဆိုတာကိုပေါ့။
ဖိနပ်တွေအားလုံးကို စပယ်ရှယ်အော်ဒါမှာလိုက်တယ်
ဖိနပ်လှလှလေးတွေက လိုအပ်ပါတယ်။ တစ်ခါတလေ ကိုယ်ကြိုက်တာမတွေ့ရင်လည်း အော်ဒါမှာလိုက်တာမျိုးတွေကတော့ လူတော်တော်များများ လုပ်ကြပါတယ်။ ဒါပေမယ့် သင့်တော်တဲ့ဈေးနှုန်းထက်ပိုကုန်အောင်တော့ မသုံးစေချင်ပါဘူး။ ဘာလုပ်မှာလဲ။ မင်္ဂလာပွဲတစ်ပွဲမှာ အဲဒီဖိနပ်တွေကို ဘယ်သူမှသတိမထားမိပါဘူး။ သူတို့အဓိကထားကြည့်ကြတာက အဝတ်အစားနဲ့ မိတ်ကပ်ပါ။ တော်ရုံငွေကြေးနဲ့ လှပရင်ပဲ တော်ပါပြီ။
ဈေးအကြီးဆုံးဖိတ်စာကို ရိုက်လိုက်တယ်
တကယ်တော့ ဖိတ်စာမှာ အာရုံစိုက်ရမှာမဟုတ်ပါဘူး။ ပြန်ကမ်းပစ္စည်းကို ပိုပြီးကောင်းကောင်းလုပ်ရမှာပါ။ ကျွန်မငယ်ငယ်တုန်းကဆို အိမ်ကိုဖိတ်စာရောက်တာနဲ့ ကပ်ကြေးတစ်လက်နဲ့ ချက်ချင်း လျှောက်ညှပ်ဆော့လိုက်တော့လိုက်လို့ မိသားစုတွေဆို ဖိတ်စာကောင်းကောင်းဖတ်လိုက်ချိန်တောင်မရှိပါဘူး။ ပြောချင်တာက ဖိတ်စာကို အများကြီးအကုန်အကျခံမယ့်အစား ဧည့်သည်တွေ အာရုံစိုက်တာက ပြန်ကမ်းပစ္စည်းပါ။ ပြန်ကမ်းပစ္စည်းမှာပဲ ငွေပိုသုံးလိုက်စေချင်ပါတယ်။
လေးငါးပွဲအကုန်အကျခံလိုက်တယ်
အခုခေတ်က မင်္ဂလာပွဲကို စေ့စပ်၊ ဆွမ်းကျွေး၊ လက်ထပ်၊ ညစာ ဆိုပြီး လေးငါးပွဲဆက်တိုက်လုပ်တာက ဖက်ရှင်လိုဖြစ်နေပါပြီ။ တော်တော်များများလည်း မချမ်းသာရင်တော့ သုံးပွဲလောက်အထိတော့ လိုက်လုပ်လေ့ရှိကြပါတယ်။ အဲဒီလိုကြီး ငွေလျှောက်မသုံးပါနဲ့။ သုံးချင်ရင် မင်္ဂလာပွဲမတိုင်ခင် ဒါမှမဟုတ် ကျင်းပပြီးတဲ့အချိန်မှာ အလှူတစ်ခုလုပ်လိုက်ပါ။ နောက်ပြီး ထပ်သုံးမယ်ဆိုရင် Honeymoon မှာ ပိုကောင်းကောင်းသုံးလိုက်ပါ။ မင်္ဂလာပွဲကိုတော့ တစ်ပွဲတည်းမှာပဲ အသိမိတ်ဆွေတွေအားလုံးလာရောက်ခွင့်ရအောင် ကျစ်ကျစ်လျစ်လျစ်နဲ့ အသေးစိတ်စီစဉ်လိုက်ပါ။
တစ်သက်မှာတစ်ခါဆိုတဲ့မင်္ဂလာပွဲလေးကို အကောင်းဆုံးဖြစ်ချင်တာကတော့ မိန်းကလေးတိုင်းရဲ့ စိတ်ကူးပါပဲ။ ဒါပေမယ့် ကိုယ်အကုန်အကျခံလိုက်တဲ့ပိုက်ဆံက သုံးလိုက်တာလား၊ ဖြုန်းလိုက်တာလားဆိုတာ ဝေခွဲနိုင်အောင်ကြိုးစားပါ။ တစ်ခါတလေ ကိုယ်က ငွေကြေးချမ်းသာနေတာလည်းမဟုတ်ဘဲနဲ့ အများကြီးလျှောက်လုပ်မိလိုက်လို့ လိုအပ်တာထက်ပိုပြီး ကုန်ကျသွားတာမျိုး အမြဲဖြစ်နေတာပါ။ နည်းနည်းလေးကနေစပြီး လျှော့ချလိုက်ပါ။ နောက်ပိုင်းမိသားစုဘဝလေးကို တည်ဆောက်ဖို့အတွက်လည်း ငွေပိုလိုအပ်နေဦးမှာဆိုတော့လေနော်။
Credit;Akhayar
