အချို့သူတွေက အချစ်ကြီးလွန်းတတ်ကြပါတယ်။ ဒါကတစ်ခါတစ်ရံတော့ အဆင်ပြေပေမယ့် အမြဲတမ်းဆိုရင် တဘက်လူက နားလည်မပေးနိုင်တဲ့အခါ လမ်းခွဲတဲ့အထိ ဖြစ်စေနိုင်ပါတယ်။
စိုးရိမ်ကြီးလွန်းခြင်း
သူ့ကိုမချစ်တော့မှာ၊ မေ့သွားမှာကို စိုးရိမ်လွန်းတဲ့စိတ်နဲ့ သင့်အပေါ် ချုပ်ချယ်မိတာမျိုး ၊စောင့်ကြည့်တာမျိုးတွေကို ပြုလုပ်တတ်ပါတယ်။ နှစ်ယောက်စလုံးအတွက် မကောင်းပေမယ့် သူ့စိတ်ကို သူတောင်မသိလိုက်ဘဲ ဒီလိုအပြုအမူတွေကို ပြုမိတတ်ပါတယ်။
သဝန်တိုလွန်းခြင်း
ချစ်သူက သဝန်တိုတာကို သဘောမကျတဲ့သူ မရှိကြပါဘူးနော်။ ဒါပေမယ့် ပုံမှန်ထက်ပိုပြီး အလွန်အကြူး သဝန်တိုတာကတော့ ကိုယ်တိုင်အတွက်ရော တဘက်လူအတွက်ပါ ဝန်ထုတ်ဝန်ပိုးဖြစ်စေပါတယ်။ အချစ်ကြီးလွန်းသူတွေဟာ သူ့ချစ်သူကို ဆုံးရှုံးရမှာကြောက်တဲ့စိတ်နဲ့ ဒီလိုသဝန်တိုတာမျိုးတွေကို ခနခနပြုမိကြပါတယ်။ ဒါကြောင့်မို့ ရေရှည် လက်တွဲကြမယ်ဆိုရင်တော့အများကြီး နားလည်မှုတွေပေးနိုင်ဖို့ လိုအပ်မယ်လို့ထင်ပါတယ်။
အရမ်း ဂရုစိုက်ခြင်း
ချစ်သူက ဂရုစိုက်တာကို မကြိုက်တဲ့သူတော့ ဘယ်ရှိပါ့မလဲနော် ။ အချစ်ကြီးတဲ့သူတွေကတော့ ပုံမှန်ထက်ပိုပြီး ဂရုစိုက် ခံချင်ကြပါတယ်။ တစ်ခါတစ်လေ ကိုယ်ကအသေးအဖွဲလို့ ထင်မိတဲ့အရာလေးတွေက သူ့အတွက်ခံစားစေတဲ့အရာတွေ ဖြစ်နေတတ်ပါတယ်။ ဥပမာ မနက်တိုင်းsmsပို့တာ၊ ပြန်ရောက်တာနဲ့ဖုန်းဆက်တာလိုမျိုးတွေကို တစ်ခါတစ်ရံမလုပ်မိတဲ့အခါ သူ့ဘက်က အများကြီးခံစားနေတတ်ပါတယ်။
အတွေး များတတ်ခြင်း
သင်နဲ့ပတ်သက်ရင် သူ့အတွေးတွေက အမြဲတမ်းစိုးရိမ်နေတတ်တယ်။ ချစ်သူကထားခဲ့မှာ၊ ချစ်သူက စိတ်ပျက်သွားမှာကို စိုးရိမ်လွန်းတတ်သူတွေမို့ သင့်ရဲ့အပြုအမူတိုင်းကို သတိထားတတ်ပါတယ်။ သင့်ဘက်က နည်းနည်း လစ်ဟာသွားတာနဲ့ အားငယ်စိတ်ဝင်ပြီး အတွေးပေါင်းစုံနဲ့ စိတ်ညစ်တတ်သူပါ။ ဒါကြောင့်မို့ ဒီလိုလူကိုချစ်မိပြီဆိုရင်တော့ အများကြီး ဂရုစိုက်ချစ်ပေးဖို့ လိုအပ်ပါလိမ့်မယ်နော်။
