မြန်မာ့ရိုးရာ အိမ်ထောင်ဖက်ရွေးနည်းလေးကို Wedding Guide ပရိတ်သတ်ကြီးအတွက် ဝေမျှပေးလိုက်ပါတယ်။
အမျိုးသားနံ နှင့် အမျိုးသမီးနံ နှစ်ခု ပေါင်းရမည်။ဥပမာ.. တနင်္ဂနွေ(၁) +ဗုဒ္ဓဟူး(၄) ၁+၄=၅. ဖြစ်သည်။ရလဒ်ကို ၅ဖြင့် မြောက်ရမည် ။ ၂၅ ရသည်။ထို့၂၅ အား ၇ ဖြင့်စားရမည်။ အကြွင်း ၄ ရပါသည်။ထို့နောက် အကြွင်း ၄ ဟောကိန်းအား ဖတ်ရမည်ဖြစ်သည်။
၁ကြွင်း ။ ကြွင်းဧက စွဲမက်ဖွယ် မွဲတတ်တယ် မယိမ်း။ အလွန်ဆိုးသော အတွဲ ဖြစ်သည်။ ၂ ဦးပေါင်းစည်းက စီးပွား ဖြစ်ထွန်းကိန်းမရှိ၊ ငွေကြေး စုဆောင်း၍ မရ။ ကောင်းကျိုး ဖြစ်ထွန်းခြင်းမရှိပဲ တရိရိနှင့် ဆင်းရဲတတ်သည်။ တူနှစ်ကိုယ် တဲအိုပျက်ဝယ် ဟုသောကိန်းနှင့် အဆုံးသတ်ရမည်။ ကြိုးစားရှာဖွေလေခက်ခဲ ကျပ်တည်းသော အနေထားမျိုးဖြစ်လေ ဖြစ်တတ်သည်။
၂ကြွင်း ။ ရှိအထင် ဒွိမြင်ကိန်း နှစ်သိန်းလောက်ကြွယ်ရာ။ အလွန်ကောင်းသော အတွဲဖြစ်သည်။ စီးပွားတက်မည်။ အိမ်ထောင်ရေး သာယာချမ်းမြေ့မည်။ ကြွယ်ဝချမ်းသာခြင်း၊ ပြည့်စုံသာယာခြင်း၊ အခွင့်လမ်း များစွာ ရရှိခြင်းများ ကြုံမည်။ ဝန်ထမ်းများ ရာထူးဂုဏ်ရှိန် ကြီးမားမည်။ မွေးဖွားသော သားသမီးများသည်လည်း ကြွယ်ဝပြည့်စုံမည်။
၃ကြွင်း ။ ရွှေသီတာစုံပျံမွှေး၊ ဂုဏ်ဟန့်သေး ဆင်းရဲလိမ့်သာ။ နှစ်ဦးပေါင်းဖက်၍ ကောင်းသောကျော်ကြားခြင်းများ ရှိသော်လည်း၊ စီးပွားတွင် ဖြစ်ထွန်းခြင်းမရှိ။ ငွေ မည်မျှဝင်စေ ရသလောက်ပြန်ကုန်မည်။ စီးပွားဖြစ်လိုက် ပြန်ကုန်လိုက်နှင့် ဘဝတူ အချင်းချင်းပင် မိမိက ပိုမို ချို့တဲ့သလိုဖြစ်နေမည်။ အလုပ်စီးပွားတွင် အောက်ကျ သလိုဖြစ်ပြီးမှ တော်သင့်ရုံပြေလည်မည်။ နှစ်ဦးပူးတွဲနေက ငွေကုန်များမည်၊ လုပ်ငန်းသဘောအရ ခွဲခွာ လုပ်ကိုင်က ငွေစုဆောင်းမိမည်။ သားသမီးများအား ပင်ပန်းဆင်းရဲစွာ ပျိုးထောင်ရမည်။ သားသမီးကောင်းကျိုးကိုဖြင့် ခံစားရမည်။
၄ကြွင်း ။ လေးစတု ထင်ရှားစွာ။အထူးကောင်းသော မိတ်ဖက်ဖြစ်သည်။ ကျော်ကြားအောင်မြင်ခြင်း၊ စီးပွားဖြစ်ထွန်းခြင်း အထင်ရှားရှိမည်။ ဘဝတူတန်းတူများကြား အသာစီးရမည်။ လူတမ်းစေ့အထက် ပြည့်စုံစွာနေထိုင်ရမည်။ တဦးသော်ကောင်း ၊ ၂ဦးလုံးသော်ကောင်း နမည်ကြီး ၊ ထင်ရှားကျော်ဇောခြင်းများ ရရှိမည်။ မွေးဖွားသော သားသမီးမှလည်း ကျော်ဇောစေ၍ အကျိူးပေးမည် ဖြစ်သည်။
၅ကြွင်း ။ ကြွက်ဇီဝါ ဆင်းရဲကင်း။ အလွန်ကောင်းသော မိတ်ဖက်ဖြစ်ပါသည်။ ဆင်းရဲခြင်းကင်းစင်၍ ကြွယ်ဝ ပြည့်စုံပြီး သာယာသော မိသားစု ဘဝလေးအား ပိုင်ဆိုင်မည်ဖြစ်သည်။ ဝန်ထမ်းဖြစ်ပါက ရာထူးဂုဏ်ရှိန်မြင့်မားမည်။ အသက်ကြီးလေ စီးပွားတိုးလေဖြစ်ပါသည်။ ခြွေရံသင်းပင်းပေါများမည်။ သားသမီးအကျိုး ခံစားရမည်။ ရေရှည်တည်တံ့ ခိုင်မြဲမှု့မျိုး ကြုံရပေမည်။
၆ကြွင်း ။ ပြင်ပပူးမင်းက သူဌေးမှန် ငြိမ်းလိမ့်နှစ်တန်။ နှစ်ဦးပေါင်းဖက်က သူဌေးသူကြွယ်ဘဝ ရရှိမည်။ ထီပေါက်ခြင်း ၊ အမွေရခြင်း ၊ ငွေအစုလိုက် ဝင်ခြင်း၊ ငွေကြေးစုဆောင်းမှု့များ ရှိကာ ပေး၍မကုန် လှူ၍မခန်းဖြစ်မည်။ အတွင်းမီး အပြင်မီး ငြိမ်းအေး၍ လောကီလောကုတ္တရာနှစ်ဖြာသော ကုသိုလ်အကျိုးများ ခံစားရမည်။ သားသမီးများ ကောင်းကျိုး ခံစားရမည်။
ဝကွင်း ။ သုညကျန်လျှင် လုံမမောင်နှံ အို ဆုံးနိုင်မျှလေး။ အလွန်ဆိုးသော အတွဲဖြစ်သည်၊ ပင်ပန်းကြီးစွာနှင့် စီးပွားဥစ္စာ ရှာဖွေရမည်။ နှစ်ဦးပေါင်းဖက်သည့် နဂိုကာလမှစ၍ တဖြေးဖြေးကျဆင်းစေတက်သည်။ ဝင်သမျှငွေမှာအဖက်မတင်စေတတ်ပါ၊ အကျိုးမြတ်ရရှိ၍ စီးပွားဖြစ်ထွန်းလာသော်ငြားလည်း တခုမဟုတ်တခု စိတ်သောကရောက်စရာများ ကြုံစေတတ်သည်။
Wedding Guide ရဲ့ စာဖတ်ပရိတ်သတ်တွေအနေနဲ့ ဆိုးသောအတွဲများထဲတွင် ပါဝင်နေပါကလည်း ၊ စိတ်အနောက်ယှတ်ကြီးစွာဖြစ်ရန်မလိုပဲ ကံ၊ဉာဏ်၊ဝီရိယ၊ သီလ၊သမာဓိ၊ပညာ ၊ ဤ၆ပါးဖြင့်ပြည့်စုံစွာဖြင့် မျက်မှောက်ဘဝကို ဖြတ်သန်းသော်ဒုက္ခဆင်းရဲကင်းစင်နိုင်ပါကြောင်း နှင့် မှတ်သားဖူးသော ပညာရပ်တခုအား တင်ပြပေးခြင်းဖြစ်ပါတယ်။
Source: 1875
