အိန္ဒိယ မှောင်ခိုရွှေ ၈၃၃ ကီလိုဂရမ် သိမ်းဆည်းရမိခဲ့ပြီး မြန်မာမှ လာသည့်ရွှေ အများဆုံးပါဝင်
TO GET INSTANT UPDATE
Join Telegram Channel
https://t.me/Guid4U
အိန္ဒိယနိုင်ငံသည် ၂ဝ၂၂ ဘဏ္ဍာနှစ်တွင် ရူပီး ၄၀၅ ကုဋေ တန်ကြေးရှိ မှောင်င်ခိုရွှေ ၈၃၃ ကီလိုဂရမ်ကို သိမ်းဆည်းရမိခဲ့ပြီး မြန်မာမှ လာသည့်ရွှေ အများဆုံး ပါဝင်နေပါသည်။
.
၂၀၁၉-၂၀ တွင် မှောင်င်ခိုရွှေ အများစုသည် အနောက်အာရှမှ ဖြစ်ခဲ့ရာမှ ၂၀၂၀-၂၁ တွင် မြန်မာမှ အများဆုံး ဖြစ်လာပါသည်။
.
၂ဝ၂၁ ခုနှစ် ဘဏ္ဍာနှစ်တွင် သိမ်းဆည်းရမိသည့် ရွှေစုစုပေါင်း၏ တန်ဖိုး ရူပီး ၁,၁၉၉ ဒသမ ၄ ကုဋေ ရှိခဲ့ပြီး ၆၉ ရာခိုင်နှုန်းသည် တန်ဖိုးရှိ မြန်မာနိုင်ငံမှ ရောက်ရှိလာခြင်းဖြစ်သည်။
“Smuggling in India 2021-22" အစီရင်ခံစာတွင် ဖော်ပြထားသည်မှာ ဘဏ္ဍာရေးနှစ် ၂၀၂၂ တွင် ဖမ်းဆီးရမိသည့် ရွှေစုစုပေါင်း၏ ၃၇%သည် မြန်မာနိုင်ငံမှ ဖြစ်ပြီး ၂၀% သည် အနောက်အာရှမှ ဖြစ်သည်။
မဏိပူရနှင့် မြန်မာ နယ်စပ်သည် မြန်မာနိုင်ငံမှ ရွှေများ ရောက်ရှိလာသည့် အဓိကနေရာဖြစ်ကြောင်း ၎င်းအစီရင်ခံစာတွင် ဖော်ပြထားသည်။
အဓိကကျသည့် လမ်းကြောင်းနှစ်ခု ရှိသည်။ တစ်ခုမှာ မူဆယ်-မန္တလေး-ကလေးဝ-တီးတိန်- ဇိုခေါ်သာရ် ဖြစ်သည်။ ယင်းလမ်းကြောင်းသည် အန္ဒိယနိုင်ငံ မီဇိုရမ်နှင့် အချိတ်အဆက်ရှိသည်။
ကျန်တစ်ခုမှာ မူဆယ်-မန္တလေး-ကလေးဝ- တမူး- နမ်ဖာလုံ-မိုးရေး ဖြစ်သည်။ ယင်းလမ်းကြောင်းသည် အိန္ဒိယမှ မဏိပူရနှင့် အချိတ်အဆက်ရှိသည်။
သိမ်းဆည်းရမိသည့် ရွှေများတွင် ၂၁ ဒသမ ၃၇ ရာခိုင်နှုန်းသည် မော်တော်ယာဉ်ထဲ ဝှက်သယ်လာသည့် ရွှေများဖြစ်သည်။
ရွှေဝယ်လိုအား ကြီးမားခြင်းနှင့် သွင်းကုန်ခွန် မြင့်မားခြင်းတို့သည် အိန္ဒိယတွင် ရွှေမှောင်ခိုမှု၏ အဓိက အကြောင်းရင်းများ ဖြစ်သည်။
ရွှေ၏ တန်ဖိုးတည်ငြိမ်မှုနှင့် ငွေဖြစ်လွယ်မှုမြင့်မားမှုသည် အခြားအကြောင်းရင်းများဖြစ်သည်။
.
အိန္ဒိယသည် ကမ္ဘာ့ရွှေတင်သွင်းမှု အများဆုံးနိုင်ငံဖြစ်ပြီး ရွှေလက်ဝတ်ရတနာအများဆုံး တင်ပို့သည့်နိုင်ငံလည်း ဖြစ်သည်။
.
ကမ္ဘာ့ရွှေကောင်စီ World Gold Council (WGC) အရ အိန္ဒိယအိမ်ထောင်စုများတွင် စုဆောင်းထားသည်မှာ ရွှေတန်ချိန် ၂၅,၀၀၀ အထိ ရှိနိုင်သည်။
Source business standard
TO GET INSTANT UPDATE
Join Telegram Channel
https://t.me/Guid4U
