ကမ္ဘောဒီးယား ရွှေစင် ကီလိုဂရမ် ၈,၂၀၀ ကျော် တူးဖော်သန့်စင် ထုတ်လုပ်နိုင်ခဲ့
To Get Instant Update
https://t.me/Guid4U
JOIN THE CHANNEL
ကမ္ဘောဒီးယားနိုင်ငံမှ ရွှေစင် ၈,၂၈၈ ကီလိုဂရမ်ကိုးဖော်သန့်စင် ထုတ်လုပ်နိုင်ခဲ့ပြီး ရွှေသန့်စင်မှုလုပ်ငန်းကဏ္ဍမှ နိုင်ငံ့ဝင်ငွေ ကန်ဒေါ်လာ ၁၃ သန်းကျော် ရရှိခဲ့ကြောင်း သတ္တုတွင်းနှင့် စွမ်းအင်ဝန်ကြီးဌာန သတ္တုအရင်းအမြစ်ဦးစီးဌာန ညွှန်ကြားရေးမှူးချုပ်က ပြောကြားသည်။
သတ္တုတွင်းနှင့် စွမ်းအင်ဝန်ကြီးဌာန ပြောရေးဆိုရေး တာဝန်ခံ Ung Dipola က ရွှေသန့်စင်ရေးလုပ်ငန်းကဏ္ဍရှိ ကုမ္ပဏီအားလုံးသည် ရွှေချောင်း ၉၁၉ ချောင်း ထုတ်လုပ်ခဲ့ပြီး ယခုနှစ် စက်တင်ဘာ ၂၂ ရက်အထိ ကမ္ဘောဒီးယား အစိုးရထံ အခွန်အခ အမျိုးမျိုး စုစုပေါင်း အမေရိကန်ဒေါ်လာ ၁၃ သန်းကျော် ပေးဆောင်ခဲ့ကြကြောင်း ပြောကြားသည်။
လက်ရှိတွင် ရွှေသတ္တု တူးဖော်ထုတ်လုပ်ရေးကို ကုမ္ပဏီ ၆ ခု လုပ်ကိုင်လျက် ရှိသည်။ ယင်းတို့အနက် Renaissance Minerals (Cambodia) Limited သည် ၇,၈၄၆ ကီလိုဂရမ် ထုတ်လုပ်ခဲ့ပြီး ပမာဏ အများဆုံး ဖြစ်သည်။
ကျန်သည့် စက်ရုံ ၅ ရုံသည် စုစုပေါင်း အလေးချိန် ၄၄၂ ကီလိုဂရမ်ရှိသည့် ရွှေချောင်း ၅၀ ထုတ်လုပ်ခဲ့ကြသည်။ ၎င်းစက်ရုံများသည် အရွယ်အစား ငယ်ကြသဖြင့် ထုတ်လုပ်နိုင်သည့် ပမာဏလည်း နည်းသည်ဟု Ung Dipola က ပြောကြားသည်။
၎င်းကုမ္ပဏီ ၅ ခုမှာ---
• Late Cheng Mining Development Co., Ltd.
• Xing Yuan Kanng Yeak Co., Ltd.
• Rong Cheng Industrial Investment (Cambodia) Co., Ltd.
• Delcom (Kampuchea) Pte Ltd.
• Xinshan Industrial (Cambodia) Co., Ltd.
တို့ ဖြစ်ပါသည်။
၂၀၂၁ ခုနှစ် ဇွန်လတွင် Renaissance Minerals (Cambodia) Limited ၏ ရွှေသန့်စင်ရေး စက်ရုံကို တရားဝင် စတင်ဖွင့်လှစ်ပြီးနောက် ကုမ္ပဏီသည် ရွှေ ၆,၇၂၈ ကီလိုဂရမ်ကို သန့်စင်ခဲ့သည်။ အစိုးရထံ ကန်ဒေါ်လာ ၁၀.၃ သန်း ပေးသွင်းခဲ့သည်။
၎င်းစက်ရုံမှ အနည်းဆုံး ရွှေ ၉၀% ပါသည့် ရွှေချောင်းများ ထုတ်လုပ်သည်။ အမျိုးသမီး ၆၁ ဦး အပါအဝင် ဝန်ထမ်း ၄၃၄ ဦး အလုပ်ခန့်ထားပြီး နိုင်ငံခြားသား ၈၇ ဦးနှင့် ကမ္ဘောဒီးယားနိုင်ငံသား ၃၄၇ ဦး ပါဝင်သည်။
Renaissance Minerals (Cambodia) Limited သည် ရွှေတူးဖော်ရန်အတွက် ကမ္ဘောဒီးယားအစိုးရမှ လိုင်စင်ရရှိထားသည့် ပထမဆုံးသော နိုင်ငံတကာကုမ္ပဏီဖြစ်သည့် ဩစတြေးလျကုမ္ပဏီဖြစ်သည်။
ကုမ္ပဏီ၏ ရွှေသတ္တုတွင်းများသည် ရွှေသတ္တုရိုင်း တန်ချိန် ၂ သန်းနီးပါး တူးဖော်နိုင်စွမ်း ရှိသည်။
ကုမ္ပဏီ၏ စက်ရုံသည် ၉၀% ရွှေချောင်းများ တစ်နှစ်လျှင် ၃ တန်အထိ သန့်စင်ပေးနိုင်သည်။
Source khmertimeskh
To Get Instant Update
https://t.me/Guid4U
JOIN THE CHANNEL
