ကျောက်မျက်ရဲ့ အရောင် အနု အရင့်
ကျောက်မျက်ရဲ့ အရောင်အနု အရင့်ဆိုတာ အလင်းစုပ်ယူနိုင်မှု အားပေါ်မှာ မူတည်ပါတယ်။ စစ်ဆေးလိုတဲ့ ကျောက်မျက်ကို လက်တစ်ဆန့် အကွာအဝေးမှာထားပြီး သူ့ရဲ့ အရောင် ဘယ်လောက် ဆွဲဆောင်မှု ရှိတယ်ဆိုတာ ကြည့်ပါ။ များသောအားဖြင့် ကျောက်မျက်တွေ ကို ည ပွဲ မှာ ၀တ်ဆင်လေ့ ရှိကြပါတယ်။ ဒါကြောင့်မို့လို့ သူတို့ဟာ အလင်းရောင် နည်းနည်းလေး အခြေအနေမှာ ပေါ်လွင်ဖို့ လိုအပ်ပါတယ်။ ကျောက်မျက် တွေဟာ အရောင်အနုကနေ အရင့်ကို ပြောင်းလဲနိုင်စွမ်း ရှိကြပါတယ်။
ကျောက်မျက်ရဲ့ အရောင်ပြည့်ဝခြင်း
ကျောက်မျက်မှာရှိတဲ့ အရောင်တွေဟာ သိပ်သည်းဆ အမျိုးမျိုး ရှိကြတာကြောင့် မှေးမှိန်ဖျော့တော့ တဲ့ အရောင်ကနေ ရွှန်းလဲ့တောက်ပတဲ့ အရောင်ထိ အမျိုးမျိုးရှိကြပါတယ်။ ပထမဆုံး သတိပြုစစ်ဆေး ရမှာက ကျောက်မျက်ရဲ့အရောင် တွေဟာ အနွေးရောင်များဖြစ်ကြတဲ့ အ၀ါ၊ လိမ္မော်၊ အနီ ရှိသလား (သို့) အအေး ရောင်များ ဖြစ်ကြတဲ့ ခရမ်း၊ အပြာ၊ အစိမ်းတို့ ရှိသလား ဆိုတာကိုပဲ ဖြစ်ပါတယ်။ အနွေးရောင်ကျောက် တွ အတွက် အညိုရောင်ကို စစ်ပါ။ အညိုရောင် နည်းလေ ပိုကောင်းလေပါပဲ။ ကျောက်အရောင်သိပ်သည်းဆ ပိုမြင့်လို့ပါပဲ။ ကျောက်အရောင်သိပ်သည်းဆမြင့်လေ ကျောက်အရည် ကောင်းလေပါပဲ။
အအေးရောင် ကျောက်တွေအတွက် မီးခိုးရောင်သမ်းမှု ရှိ မရှိ စစ်ဆေးပါ။ မီးခိုးရောင် များတာဟာ ကျောက်အရောင် သိပ်သည်းဆ ထိုင်းမှိုင်းတာကိုပြပါတယ်။ မီးခိုးရောင် နည်းမယ် ဒါမှမဟုတ် လုံးဝမရှိဘူး ဆိုရင်တော့ ကျောက်အရောင် သိပ်သည်းဆ မြင့်ပြီး ကျောက်ဟာ ရွှန်းလဲ့တောက်ပနေမှာ ဖြစ်ပါတယ်။ တကယ်ပြောရရင်တော့ အဲလို ကျောက်မျိုးဟာ ရှားပါတယ်။
ပုံတွင် သိပ်သည်းဆနှင့် အရောင်အနု၊ အရင့် အမျိုးမျိုးရှိသော နီလာကျောက် လေးမျိုးကို ဖော်ပြထားပါတယ်။ ပုံ(၁)မှ ကျောက်သည် အရောင်ဖျော့ပြီး သိပ်သည်းဆနည်းတယ်။ ပုံ (၂) မှ ကျောက်သည် အရောင်အနု၊ အရင့်နှင့် သိပ်သည်းဆတို့ စံနှင့်နီးကပ်သော ကျောက်ဖြစ်တယ်။ ပုံ (၃) မှ ကျောက်သည် ပုံ (၂) မှ ကျောက်ထက် အချို့နေရာများတွင် အရောင်ပြည့်ဝမှုပိုတယ်။ ဒါပေမယ့် ကျောက်ကို ယေဘုယျခြုံကြည့်ရင်တော့ အရောင်ရင့်နေတာ တွေ့ရမယ်။ ပုံ (၄) မှကျောက် ကတော့ ပို၍ အရောင်ရင့်ပြီး အရောင်ပြည့်ဝမှု လျော့နည်းနေတယ်။
