တခါတလေမှာ နှစ်ဦးစလုံးက မမှားခဲ့ပါဘဲနဲ့ လမ်းခွဲခဲ့ရတဲ့ စုံတွဲတွေ ရှိပါတယ်။ ကိုယ်က သတိမထားမိတာ၊ မတွေးမိတာလေးတွေက နောက်ဆုံးလမ်းခွဲဖို့ အထိ ဖြစ်ခဲ့ရတာမျိုးပေါ့။ အဲ့လို မျိုးတွေ မဖြစ်ရအောင် အတတ်နိုင်ဆုံး နည်းလမ်းကောင်းလေးတွေ မျှဝေချင်ပါတယ်။
(၁)ကျန်းမာရေးနဲ့ပတ်သက်ပြီး ပွင့်လင်းမှုရှိပါ
စုံတွဲတိုင်းမှာ မိန်းကလေးပဲဖြစ်ဖြစ်၊ ယောာက်ျားလေးပဲဖြစ်ဖြစ် ကိုယ့်ကျန်းမာရေးမကောင်းတဲ့ အချိန်ဆိုတာ ရှိပါတယ်။ အထူးသဖြင့် မိန်းကလေးတွေဆို ပိုဆိုးပါတယ်။ တစ်ယောက်ကျန်းမာရေး တစ်ယောက် မပွင့်လင်းတာဖြစ်ဖြစ်၊ နားလည်မပေးနိုင်တာ ဖြစ်ဖြစ် ဖြစ်လာခဲ့တဲ့ အက်ကွဲကြောင်းလေးတွေက ရေရှည်လက်တွဲလို့ ရမရ ဆုံးဖြတ်ပေးသွားပါလိမ့်မယ်။
(၂)ရင်းနှီးလွန်းသွားတဲ့အချိန် လေးစားမှုရှိပါ
တစ်ချို့ စုံတွဲတွေမှာ တွဲချိန်ကြာလာတာနဲ့အမျှ တစ်ယောက်အကြောင်းတစ်ယောက်အကုန် သိလာကြပါတယ်။ နောက်ပိုင်း အလုပ်တွေ ရှုပ်နေလို့ ဆိုတဲ့အကြောင်းတွေနဲ့ အချိန်မပေးနိုင်တာတွေ၊ ကတိပျက်လာတာတွေ ဖြစ်လာတတ်ပါတယ်။ အကြောင်းသိနေလို့ တွဲလာတာကြာရင် ဖြစ်လာတတ်တဲ့ သဘောတွေပါ။ ဆက်လုပ်နေရင် အဆင်မပြေနိုင်တော့ပါဘူး။
(၃)ငွေကြေးကိစ္စတွေမှာ အသုံးနဲ့ အဖြုန်း၊ ရှိတာနဲ့ မရှိတာကို လက်ခံပါ
စတွဲစမှာတော့ ဘယ်သူပဲ စိုက်ထုတ်ရတာဖြစ်ဖြစ် အဆင်ပြေပေမဲ့ နောက်ပိုင်း တွဲလာတာကြာတာနဲ့ ငွေကြေးက တစ်နေရာကနေ ပါဝင်လာပါတယ်။ ကိုယ်ကအဆင်မပြေတာကို လိုချင်တာတွေတောင်းတာ၊ မလိုအပ်တာတွေ ၀ယ်မိတာတွေနဲ့ ကိုယ့်ရဲ့ လက်တွဲဖော်ရဲ့ ငွေကြေးပိုင်းဆိုင်ရာ ရှိမှု၊ မရှိမှု တွေကို လက်ခံနိုင်စွမ်း မရှိတာတွေက ပြင်လို့ရတုန်း မပြင်နိုင်ရင် ဘ၀မှာ မပျော်ရွှင်ရမှုတွေ ဖြစ်လာစေမှာပါ။
(၄)အမှားတွေပဲ လိုက်ထောက်ပြနေတဲ့ ကိစ္စမျိုးကို ရှောင်ပါ
ဘယ်သူမဆို အမှားနဲ့မကင်းပါဘူး။ တမင်လုပ်လိုက်တာနဲ့ မတော်တဆမှားတာတွေက မတူပါဘူး။ ကိုယ်လက်တွဲမယ့် သူရဲ့အမှားတိုင်းကို လိုက်ထောက်ပြနေတာက မတည်မြဲတဲ့ဆက်ဆံရေးကို ဖြစ်စေပါတယ်။ ထမင်းစားစေချင်လို့ ချက်ကျွေးတာ၊ တူးသွားတာက အပြစ်မဟုတ်ပါဘူး။ ကိုယ်ကနောက်တခါမဖြစ်အောင် ဘာကူပေးရမလဲက အဓိကပါ။ အပြစ်ပြောဖို့ ချစ်ခဲ့တာမှ မဟုတ်တာ။
(၅)ကိုယ်ပိုင် အနားယူချိန်ပေးပါ
ဒါကလည်း အရေးကြီးပါတယ်။ အလုပ်ပိတ်ရက်လေး တွေ့ချင်တာတို့၊ အွန်လိုင်းအသုံးပြုတိုင်း စကားပြောရမှာတို့ မဟုတ်ဘဲ ကိုယ်လည်း ကိုယ်ပိုင်လွတ်လပ်ချိန်နဲ့သူလည်း သူ့အချိန်နဲ့ နေတာလည်း အရေးပါပါတယ်။ လိုအပ်ရင် ကောင်းကောင်းမွန်မွန် တိုင်ပင်ပါ။
(၆)ကိုယ်ပိုင် ပြဿနာလေးတွေကို မျှဝေခံစားပါ
လူတိုင်းရှိနေကြတဲ့ အသေးအမွှားလေးတွေ မဟုတ်ဘဲ နောက်ပ်ုင်းမှာ ကိုယ်ကြုံနေရတဲ့ အခက်အခဲတွေကို ပြောပြပါ။ တိုင်ပင်လိုက်တဲ့ အချိန်မှာ တစ်ဝက်လောက်က ဖြေရှင်းပြီးသား ဖြစ်တတ်ပါတယ်။ နားမထောင်ချင်တဲ့ သူဆိုရင်တော့ ပြန်စဉ်းစားဖို့လိုနေပါပြီ။
(၇)လက်ရှိရုပ်ရည်ကို လက်မခံနိုင်တာမျိုးဆို ပြန်စဉ်းစားပါ
တွဲစတုန်းကတော့ အဆင်ပြေပေမဲ့ ရွေးချယ်စရာများတဲ့ လောကကြီးမှာ တခြားသူတွေနဲ့ ယှဉ်လာပြီး သူကတော့ ရုပ်ဆိုးတယ်၊ အသားအရောင်က မလှဘူး။ အရပ်ပုတယ်၊ ရှည်တယ် စတဲ့ကိုယ်ပိုင် ရုပ်ရည်ကို လက်မခံနိုင်ရင် အဆင်မပြေတော့ပါဘူး။ အပေါ်ယံ အရေပြားဆိုတာ နှမ်းတစ်စေ့လောက်ပဲ ရှိတာပါ။
(၈)အနာဂတ် အစီအစဉ်ကို နှစ်ယောက် တိုင်ပင်ပါ
အရေးကြီးဆုံးအချက်ပါပဲ။ ကိုယ်နေမယ့် ဘ၀ကို ကိုယ်တိုင် ဆုံးဖြတ်ချက် ချရမှာပါ။ နှစ်ယောက်စလုံး အဆင်ပြေမယ့် အနာဂတ် အစီအစဉ်တွေကို တိုင်တိုင်ပင်ပင်နဲ့ ဖြစ်ချင်တာ၊ ဖြစ်သင့်တာ တိုင်ပင်ပါ။ မတိုင်ပင်သေးတာကလည်း လွဲနေတဲ့ အချက်ပါပဲ။
Credit; Aung Bwa - MyanmarNote
