လူတိုင်းမှာ ပထမဆုံးအရာတွေရှိခဲ့ဖူးပါတယ်။
ကျောင်းကိုပထမဆုံးသွားတဲ့နေ့၊ ကားစမောင်းတဲ့နေ့ ၊ အရက်စသောက်ဖူးတဲ့နေ့ ၊ အနမ်းစပေးဖူးတဲ့နေ့ စသဖြင့်ပေါ့။ အဲ့ဒီပထမဆုံးအရာတွေအားလုံးဟာ သင့်ကိုစိတ်လှုပ်ရှားမှုကိုဖြစ်စေပြီး အမြဲတမ်းအတွက် အမှတ်တရဖြစ်နေပါတယ်။ ပထမဆုံးအရာတွေထဲမှာ လူတိုင်းအတွက်အမှတ်ရဆုံးကတော့ အချစ်ဦးပါပဲ။ လူတွေဟာ အချစ်ဦးကိုဘာလို့မမေ့နိုင်ကြသလဲဆိုတဲ့အကြောင်းရင်းလေးတွေကိုဖတ်ကြည့်လိုက်ပါဦးနော်။
ပထမဆုံးအချစ်ကအင်အားကြီးမားတယ်
သင့်အနေနဲ့ဘဝမှာပထမဆုံးအချစ်ကို ခံစားလိုက်ရတဲ့အချိန်လောကကြီးတစ်ခုလုံးမှာ သူနဲ့ကိုယ်နှစ်ယောက်တည်းရှိတော့တယ်ဆိုတဲ့ခံစားချက်မျိုးဖြစ်လာမှာပါ။ ပြီးတော့ ကိုယ်အပြည့်အဝနားမလည်နိုင်သူတစ်ယောက်နဲ့ တစ်ဘဝလုံးအတူတူဖြတ်သန်းသွားဖို့ဖြစ်နိုင်တယ်လို့ထင်လာမှာပါ။ သူနဲ့ဆိုရင်အရာအားလုံးဖြစ်နိုင်တယ်လို့ခံစားလာရပြီး ဘဝရဲ့စိတ်လှုပ်ရှားဆုံးအချိန်တွေဖြစ်ခဲ့မှာပါ။ သေချာတာကတော့ အဲ့ဒီအချိန်ကခံစားချက်တွေက အားကောင်းလွန်းလို့ ဘယ်တော့မှမေ့ဖို့မဖြစ်နိုင်တော့ပါဘူး။
ပထမဆုံးအချစ်ကအပြစ်ကင်းစင်တယ်
လူတိုင်းအတွက် ပထမဆုံးအချစ်မှာတခြားရည်ရွယ်ချက်တွေ၊ ရလိုမှုတွေ ၊ တစ်ယောက်နဲ့တစ်ယောက်ကြားအတွက်အချက်တွေ လုံးဝမရှိဘဲ အပြစ်ကင်းစင်ကြပါတယ်။ ဒါပေမယ့် ပထမဆုံးအချစ်ကြောင့်ဖြစ်ခဲ့တဲ့ခံစားချက်တွေက နောက်ထပ်ကြုံရမယ့် အချစ်နဲ့ဘဝကို အနည်းနဲ့အများသက်ရောက်မှုဖြစ်စေပါတယ်။
ပထမဆုံးသောအသည်းကွဲဝေဒနာကလည်းဆိုးရွားလွန်းတယ်
အချစ်ကပထမဆုံးဆိုရင်၊ ဒီအချစ်နဲ့လွဲသွားခဲ့ရင်ကြုံရမယ့် အသည်းကွဲဝေဒနာကလည်းပထမဆုံးပါပဲ။ ပထမဆုံးအချစ်မှာအားကောင်းသလောက် ပထမဆုံးအသည်းကွဲဝေဒနာကိုလည်း ဆိုးဆိုးရွားရွားရင်ဆိုင်ရမှာပါ။ သူ့ကိုလက်လွှတ်ဖို့အရမ်းခက်ခဲနေပြီး ကိုယ်တိုင်ကျောခိုင်းဖို့လည်းတော်တော်ကြိုးစားရတာပါ။ လက်လွှတ်ဖို့၊ ကျောခိုင်းဖို့စိုက်ထုတ်ရတဲ့အားနဲ့ကြေကွဲရတဲ့အတိုင်းအတာကအတူတူပါပဲ။ အဲ့ဒါကြောင့် ဘဝရဲ့ပထမဆုံးသောအချစ်ကြောင့် ကြေကွဲရတာကို ဘယ်သူမှမမေ့နိုင်ကြတာပါ။
အရာရာဖြစ်နိုင်တယ်ဆိုတဲ့ခံစားချက်ကိုဖြစ်စေခဲ့လို့
ငယ်ရွယ်စဉ်မှာဖြစ်လာတဲ့ အချစ်ခံစားချက်တွေကလူတစ်ယောက်အတွက်ဘဝမှာ အရာရာဖြစ်နိုင်တယ်ဆိုတဲ့ခံစားချက်မျိုးဖြစ်ပေါ်လာစေပါတယ်။ ဒါကြောင့်အခက်အခဲတစ်ခုခုကြုံလာရင်၊ ခက်ခဲတဲ့ဆုံးဖြတ်ချက်တွေချဖို့ဖြစ်လာရင် မသိစိတ်က အဲ့ဒီခံစားချက်ကပြန်ဖြစ်ပေါ်လာပါတယ်။ အဲ့ဒါကလည်း အချစ်ဦးကို မမေ့ရခြင်းအကြောင်းရင်းတစ်ခုပါ။
ပထမဆုံးအချစ်ကြောင့်ပထမဆုံးအမှတ်တရတွေရှိခဲ့တယ်
ပထမဆုံးအချစ်ကြောင့် ပထမဆုံးအနမ်းနဲ့တခြားသောပထမဆုံးအမှတ်တရတွေကို ရရှိခဲ့ကြတာကြောင့်မေ့ဖို့မဖြစ်နိုင်တာပါ။
ငါတို့နှစ်ယောက်ဆိုတဲ့ခံစားချက်
အမြဲတမ်း " ငါ၊ ငါ့အတွက် " ဆိုပြီး စဉ်းစားခဲ့ရာမှ သူနဲ့ကျမှ " ငါတို့နှစ်ယောက် " ဆိုပြီး ဘာကိုပဲစဉ်းစား စဉ်းစားသူပါနေတဲ့ခံစားချက်မျိုးလည်းပထမဆုံးဖြစ်ခဲ့ဖူးတာပါ။
ပထမဆုံးအချစ်ကကာယကံရှင်နှစ်ယောက်ကြောင့်အဆုံးသတ်တာရှားတယ်
ဘဝမှာပထမဆုံးပေါ်ပေါက်လာတဲ့ အချစ်ကကာယကံရှင်နှစ်ယောက်ကြောင့် အဆုံးသတ်တာထက် ပတ်ဝန်းကျင်နဲ့တခြားအကြောင်းအရာအမျိုးမျိုးကြောင့် အဆုံးသတ်သွားကြတာများပါတယ်။ ဒါကြောင့် နှစ်ယောက်သားအပြန်အလှန် စိတ်နာတာ၊ မုန်းတာစတဲ့ ခံစားချက်မျိုးမဖြစ်ကြတာကြောင့် အချစ်ဦးကိုမမေ့ကြတာပါတဲ့။
ငယ်ဘဝနဲ့အတူဖြစ်လာတဲ့ခံစားချက်မို့
လူတွေဟာ ငယ်ဘဝရဲ့နုပျိုမှုတွေကိုတမ်းတတတ်ကြတဲ့အကျင့်ရှိကြပါတယ်။ အဲ့ဒီလိုငယ်ဘဝကိုတမ်းတတဲ့အချိန်မှာ ငယ်ရွယ်နုပျိုမှုနဲ့အတူ First Love ကလည်း ပြန်ပြန်တွေးမိတဲ့ အကြောင်းအရာခံစားချက်တစ်ခု ဖြစ်နေတာကြောင့် ဘယ်တော့မှမမေ့တော့တာပါ။
သင့်ကိုပြောင်းလဲစေခဲ့တယ်
အချစ်ဦးကြောင့်ဖြစ်လာတဲ့ ခံစားချက်ကြောင့် ကောင်းတဲ့အပြောင်းအလဲလေးတွေ ဖြစ်ပေါ်လာစေပါတယ်။ လူတစ်ယောက်ကို ရင့်ကျက်စေနိုင်တာကလည်းပထမဆုံးအချစ်ပါပဲ။
ဘဝမှာတစ်ကြိမ်ပဲကြုံခွင့်ရှိတဲ့အရာ
ဘဝကဘယ်လောက်ပဲကြာရှည်ပါစေ၊ ပထမဆုံးအချစ်ကိုတော့ တစ်ကြိမ်တစ်ခါပဲကြုံရမယ့်အရာပါ။ အချစ်ဆုံးတွေဘယ်လောက်ပဲရှိရှိ အချစ်ဦးကတော့အချစ်ဦးပါပဲ။
Credit : Auntymay
