အိမ်ထောင်ရေးတစ်ခုပျော်ရွှင်သာယာဖို့ နှစ်ဦးနှစ်ဖက် သဘောထားညီမျှဖို့ အပေးအယူရှိဖို့လိုသလို အိမ်ထောင်မှုထိန်းသိမ်းနိုင်တဲ့ အမျိုးသမီးရဲ့ စွမ်းဆောင်ရည်ကလည်း အဓိကကျပါတယ်။
ဒီရာသီခွင်တွေကတော့ တစ်ခြားသူတွေနဲ့စာရင် အိမ်ထောင်ရှင်မကောင်းဖြစ်မယ့် စွမ်းဆောင်ရည်လက္ခဏာတွေပိုင်ဆိုင်ထားကြသူတွေဖြစ်ပါတယ် ။
(၁) Aries
အလုပ်ကြိုးစားပြီး ဆုံးဖြတ်ချက် ပြတ်သားကြတဲ့ Aries တွေကတော့ လက်ထပ်ပြီးရင် သူတို့အိမ်ထောင်ရေးကို ဘယ်လိုဖြစ်စေချင်တယ် ၊ ကလေးဘယ်နှယောက်ယူမယ် ၊ အိမ်ကိုတော့ ဘယ်လိုလေးထားမယ်ကအစ တိကျသေချာတဲ့အဖြေရှိပြီးသား သူလေးတွေပါ။ ဒါ့ကြောင့် ခင်ပွန်းဖြစ်လာမယ့်သူနဲ့ ဒီအကြောင်းအရာတွေအတွက် စကားများ ရန်ဖြစ်နေရမှာမဟုတ်ပါဘူး။ အိမ်မှုကိစ္စနိုင်နင်းသူလေးတွေဖြစ်ပြီး ခင်ပွန်းနဲ့ ပြဿနာတွေကိုလည်း အေးအေးဆေးဆေးဖြေရှင်းနိုင်မယ့်သူ ၊ စကားပြောညင်သာပြီး နူးညံ့သူဖြစ်လို့ ယောက္ခမချစ်မယ့် သူမျိုးလေးတွေပေါ့။ အမှားရှိရင်လည်း ဝင်ခံ ရဲကြသူတွေဖြစ်ပြီး ဘယ်အရာကိုမှမြိုသိပ်မထားတတ်လို့ အိမ်ထောင်ရေးမှာဖြစ်ပေါ်လာမယ့် ပြဿနာအစိုင်အခဲတွေကိုလည်း မကြီးထွားစေလို့ ခင်ပွန်းချစ်မယ့်သူလေးတွေပါ။
(၂) Cancer
Cancer လေးတွေကတော့ အိမ်ချစ်တတ်တဲ့သူလေးတွေပါ။ ဒါကပဲ သူတို့ရဲ့အိမ်ထောင်ရေးကိုသာယာစေပြီး အိမ်ထောင်ဖက်နဲ့လည်း ပိုရင်းနှီးချစ်ခင်မှုရစေမှာပါ။ အချက်အပြုတ်လည်းကျွမ်းကျင် ၊ အိမ်ထောင်မှုလည်း နိုင်နင်းလို့ အိမ်ထောင်ရှင်မကောင်းအရည်အချင်းလည်း အပြည့်အဝရှိကြပါတယ်။ သားသမီးတွေရတဲ့အခါမှာလည်း ကောင်းမွန်စွာ ဆုံးမတတ်မယ့် သူလေးတွေဖြစ်ပြီး ခင်ပွန်းရဲ့ အလုပ်ကိစ္စတွေ ၊ လူမှုရေးကိစ္စတွေကိုပါ အထောက်အပံ့ကောင်းပေးနိုင်မယ့် စွမ်းဆောင်ရည်ရှိသူလေးတွေမို့ အရွေးမမှားသင့်ဘူးနော်။
(၃) Leo
မွေးရာပါ ဉာဏ်ရည်ကောင်းပြီး ထက်မြက်ကြတဲ့ Leo လေးတွေကတော့ အိမ်ထောင်ရေးမှာ အနွေးဓာတ်ပေးမယ့် သူမျိုးတွေပါ။ အိမ်ထောင်ရေး အမြဲသာယာပျော်ရွှင်အောင် ဖန်တီးနိုင်မယ့် သူတွေဖြစ်ပြီး စကားပြောကောင်းလို့ ယောက္ခမတွေရော ခင်ပွန်းရောရဲ့ အသည်းကျော်လေးတွေပေါ့။ Leo လေးတွေရဲ့ ဉာဏ်ရည်က ခင်ပွန်းရဲ့စီးပွားရေးကိုလည်း ဖြစ်ထွန်းကောင် ကူညီပေးနိုင်တဲ့ အစွမ်းအစလည်းရှိကြပါတယ်တဲ့။
