အင်္ဂလိပ်လိုမှာတော့ Healthy relationship လို့ပြောတတ်ကြပါတယ်။ မြန်မာလို ဆီလျော်အောင်ဘာသာပြန်ရရင် ပြီးပြည့်စုံတဲ့ပတ်သက်ဆက်စပ်မှုတစ်ခုပေါ့။ တကယ်ဆို တစ်ယောက်နဲ့တစ်ယောက် ချစ်ကြခင်ကြတယ် ဆိုရုံနဲ့မပြီးသလို၊ အချစ်တစ်ခုတည်းကပဲ ပြည့်စုံမှုကို ရစေနိုင်တာမဟုတ်ဘူး။ ချစ်လို့ပါဆိုပြီး အလွန်အကျွံ သ၀န်တိုလွန်းလို့ တစ်ယောက်မှာ အပေါင်းအသင်းကို မထားရတော့ဘူး၊ ဒါမှမဟုတ် တစ်ယောက်က တစ်ဖက်သတ် အနုိုင်ယူနေမယ်၊ အရမ်းချုပ်ချယ်နေမယ်ဆိုရင်လည်း ဒီလိုအခြေအနေမျိုးတွေကို Healthy relationship လို့မခေါ်နိုင်ပါဘူး။ ချစ်လို့သာ တည်မြဲနေပေမယ့် မခံနိုင်တဲ့အဆုံး ပေါက်ကွဲထွက်သွားနိုင်လို့ပါပဲ။
ဒီနေ့မှာတော့ ချစ်သူစုံတွဲ၊ ဇနီးမောင်နှံတွေအတွက် တစ်ယောက်နဲ့တစ်ယောက် ချစ်နေရုံတင်မဟုတ်ဘဲပြီးပြည့်စုံတဲ့ ဆက်ဆံရေးတစ်ခုကိုတည်ဆောက်နိုင်ဖို့ အရေးကြီးတဲ့အချက် ၃ ချက်အကြောင်းပြောပြပေးချင်ပါတယ်။
တန်ဖိုးထားတာချင်း တူဖို့လိုတယ်
အသွင်တူမှ အိမ်သူဖြစ်တာဆိုပြီးပြောတတ်ကြပါတယ်။ ဒါပေမယ့် တကယ်တမ်းတော့အလုံးစုံတူနေဖို့ရာမလွယ်ပါဘူး။ ညီအစ်ကိုမောင်နှမတွေတောင် မတူကြဘဲကိုး။ သူကအပူအစပ်ကြိုက်တယ်၊ ကိုယ်ကမကြိုက်ဘူး၊ ကိုယ်က သီချင်းအေးအေးလေးတွေ ကြိုက်တယ်၊ သူက ဆူဆူညံညံတွေ ကြိုက်တယ်၊ ဒီလို အသေးအဖွဲ့လေးတွေမှာကွဲလွဲနိုင်တယ်။ ဒါတွေကတော့ ညှိယူရမှာပေါ့။
ညှိယူဖို့ ခက်တာကတော့ ဘဝနဲ့ပတ်သက်တဲ့တန်ဖိုးထားမှုတွေပါပဲ။ ဝတ္ထုတွေထဲပါသလို၊ တစ်ယောက်က အနုပညာကို တန်ဖိုးထားတယ်၊ နောက်တစ်ယောက်က ငွေမှငွေ၊ အနုပညာကို အထင်သေးတယ်၊ ငွေရှိမှဖြစ်မယ်လို့ထင်တယ်၊ တစ်ယောက်က ကိုယ်ကျင့်သိက္ခာ ဆိုတာကိုတန်ဖိုးထားတယ်၊ တစ်ယောက်ကဂုဏ်မက်တယ်၊ ငွေမက်တယ်၊ ဒါဆိုရင်တော့ တစ်ယောက်နဲ့တစ်ယောက် ဘယ်လောက်ချစ်ချစ် အဆင်ပြေတော့မှာ မဟုတ်ဘူး။ နောက်ဆုံး သားသမီးတွေကို ပုံသွင်းတဲ့အထိ ပြဿနာလိုက်ပေးတော့မှာ။ အမြဲတကျက်ကျက် ဖြစ်နေတဲ့ အိမ်ထောင်ရေးမျိုးတည်ဆောက်ရတော့မှာ။ ဒါကြောင့်မို့ တန်ဖိုးထားတာချင်းတူဖို့လိုပါတယ်။ တစ်ယောက်က စာပေကို မြတ်နိုးတယ်၊ နောက်တစ်ယောက်က စာပေကို စိတ်မဝင်စားဘူးဆိုတောင် မစော်ကား၊ မနှိမ့်ချမိဖို့လိုတယ်။
နောက်တစ်ခုက လူရဲ့စိတ်သဘာဝအရ ဝါသနာတူချင်းဆိုပိုပြီး ခင်တွယ်တတ်တယ်။ ဥပမာ ကိုယ်ကဂီတကို ဝါသနာပါတယ်၊ ကိုယ့်အိမ်ထောင်ဖက်က ဝါသနာမပါဘူး၊ ဒီအခါ ဝါသနာတူတဲ့ နောက်တစ်ယောက်ကို တွေ့တဲ့အခါ စိတ်က အလိုလိုခင်သွားမိတတ်တယ်။ ဒါက ဖောက်ပြန်တာလည်းမဟုတ်ဘူး။ လူ့ရဲ့သဘောကိုက ဒီလိုပဲ။ ဒီအခါ နားလည်မပေးနိုင်ဘဲ ပြဿနာတွေရှာတဲ့အခါ ပိုပြီးတော့ အဆင်မပြေဖြစ်တတ်ပါတယ်။ ဒါကြောင့်မို့တန်ဖိုးထားမှုတွေ မတူတောင် အနိမ့်ဆုံး နားလည်မှုတော့ထားဖို့လိုမှာ ဖြစ်ပါတယ်။
တစ်ယောက်နဲ့တစ်ယောက် လေးစားမှု ရှိဖို့လိုတယ်
ဒီနေရာမှာ မပါမဖြစ်ထည့်ပြောရမှာက ယောကျာ်းတွေရဲ့ ခံစားချက်ပါပဲ။ Gender လို့ လူ့အသိုင်းအ၀ိုင်းရဲ့ သတ်မှတ်ချက်တွေကြောင့် ယောကျာ်းအများစုဟာ သူတို့ကိုယ်သူတို့ မိန်းမထက်သာရမယ်လို့ ခံယူထားတယ်။ စိတ်ကူးထဲက ချစ်သူရဲ့ပုံစံကို မေးကြည့်လိုက်ပါ၊ ယောကျာ်းလေး ၁၀၀ မှာ ၉၀ က ဖြေကြလိမ့်မယ်၊ ကိုယ့်ကို နားလည်ခွင့်လွှတ်ပေးမယ့်သူ၊ လိုအပ်သမျှ ဖြည့်ဆည်းပေးမယ့်သူ၊ အိမ်မှုကိစ္စ နိုင်နင်းတဲ့သူ၊ စသဖြင့်။ ကျွန်တော်တို့တွေရဲ့ အတွေးထဲမှာလည်း ဘယ်လိုစိတ်ကူးယဉ်ထားသလဲဆို ကိုယ်က စီးပွားရေးမှာ အောင်မြင်အောင်လုပ်မယ်၊ မိန်းမကို သူလိုတာတွေအကုန် ဖြည့်ဆည်းပေးမယ်၊ ဆိုလိုတာက ယောကျာ်းသည် ဦးဆောင်သူနေရာ၊ မိန်းမကတော့ ဖြည့်ဆည်းပေးရမယ့်နေရာ။ ယောကျာ်းလေးအများစုသည် ကိုယ့်ကို အားကိုးမယ့် အိမ်သူသက်ထားမျိုးကိုပဲ လိုချင်ကြတယ်။ “လိုချင်တာ မိဖုရား၊ ညားတော့ ဘုရင်မ” ဆိုတဲ့သီချင်းလို၊ မိဖုရားကိုပဲ လိုချင်ကြတာ၊ ကိုယ့်ကို ပြန်ဦးဆောင်မယ့် ဘုရင်မကိုမလိုချင်ကြဘူး။
ဒီအခါ ထက်ထက်မြက်မြက်၊ သိပ်မိန်းမ,မဆန်တဲ့ပုံစံနဲ့ ကိုယ့်ခြေထောက်ပေါ်ကိုယ်ရပ်မယ်၊ ဘယ်သူ့မှ အားမကိုးဘူးဆိုတဲ့ မိန်းကလေးမျိုးနဲ့ တွေ့ရောအဆင်မပြေဖြစ်လာရော။ အထူးသဖြင့် ကိုယ်ကသူ့လောက် အောင်မြင်မနေရင် ပိုဆိုးတယ်။ ချစ်လို့သာ ပေါင်းနေပေမယ့် သူ့စိတ်ထဲမှာတော့မိန်းကလေးဖြစ်သူဆီကနေ လေးစားမှုမရဘူး၊ သူက ငါ့ကို အားလည်းမကိုးဘူး ဆိုတဲ့ ခံစားချက်တွေကဝင်နေရော။ ဒီအခါ သူ့ကို အားကိုးမယ့် နောက်ထပ်မိန်းကလေးကိုလည်း တွေ့ရော၊ စိတ်တွေယိုင်ကုန်ရော၊ ဘာလို့ဆိုတော့ ဒီကောင်မလေးနဲ့တွေ့မှ သူလိုချင်နေတဲ့ လေးစားမှုဆိုတာက ပြန်ရတာကိုး။ ခုမှ သူ့ကိုယ်သူ ဘုရင် ဆိုတဲ့ ခံစားချက် ပြန်ဝင်လာတာကိုး။ ဒီအခါ ကျွန်တော်တို့ ပြောပြောတတ်ကြတဲ့ ဒီလောက်ပိုက်ဆံအရှာကောင်းတဲ့ မိန်းမလှလှလေး ရထားတာတောင် ဖောက်ပြန်ချင်သေးတယ်ဆိုတာမျိုး ဖြစ်လာတာပေါ့။ တကယ်တမ်း သူလိုချင်နေတာက ငွေ မဟုတ်ဘူး။ လေးစားမှု ဖြစ်တယ်။ သူ့အမျိုးသမီးဆီကနေ ဒါကို မရတဲ့အခါ ရနိုင်တဲ့သူဆီကို သူ့နှလုံးသားကရောက်သွားတော့တာပဲ။ (ဒါဟာ ဖောက်ပြန်မှုတွေဘက်က ကာကွယ်ပြီး အကြောင်းပြချက် ပေးနေတာမဟုတ်ဘဲ ဖြစ်တတ်တဲ့ စိတ်သဘောကို ပြောပြတာပါပဲ)
ဒီလိုအနေအထားမျိုးက ယောကျာ်းမှာမှတော့ ရှိတာမဟုတ်ဘူး။ မိန်းကလေးတွေမှာလည်း ရှိနိုင်တယ်။ ကိုယ်က သူ့နောက်ကွယ်ကနေ အလုံးစုံဖြည့်ဆည်းပေးနေရက်နဲ့ တစ်ခါတစ်ခါ သူ့ပါးစပ်ကနေ ဘယ်အမျိုးသမီးကတော့ သိပ်တော်တာ၊ သိပ်လေးစားတာ ဆိုတာမျိုး ပြောလာတဲ့အခါ သိပ်စိတ်တိုမိတယ်။ ကိုယ့်မှာတော့ ကိုယ့်ရဲ့တိုးတက်ရာတိုးတက်ကြောင်းတွေကို အကုန်စွန့်လွှတ်ပြီး သူ့အတွက်ပံ့ပိုးပေးခဲ့ရတာလေ။ အဲဒါကိုမှ မထက်မြက်တဲ့ မိန်းမလိုလို ကိုယ့်ကိုလာပြောနေတဲ့အခါစိတ်ပျက်မိတာပေါ့။
တကယ်တော့ ယောကျာ်းနဲ့မိန်းမဆိုတာ ကမ္ဘာကြီးရဲ့တောင်ပံတစ်စုံလိုပဲ။ တစ်ဖက်သန်စွမ်းမှ တစ်ဖက်ကလည်းကောင်းကောင်းလုပ်နိုင်တာ။ တစ်ဖက်တည်း သန်စွမ်းနေလို့မရသလို၊ တစ်ဖက်တည်းကပဲအရေးကြီးတာမဟုတ်ဘူး။ ဒါကြောင့် ပိုက်ဆံရှာ၊ အိမ်ကိုဦးဆောင်နေသူလည်း အရေးကြီးသလို၊ နောက်ကွယ်ကနေ အလုံးစုံပံ့ပိုးပေးနေသူ ဆိုတာလည်းအရေးကြီးတယ်။ ဒီအတွက် တစ်ယောက်ရဲ့အခန်းကဏ္ဍကို နောက်တစ်ယောက်က လေးစားမှုပေးဖို့ဟာ အင်မတန်မှကို လိုအပ်ပါတယ်။ ပါးစပ်ကနေတော့ ထုတ်ပြောကြမှာမဟုတ်ပါဘူး။ ဒါပေမယ့် လူတွေရဲ့ စိတ်သဘောကို နားလည်ပြီးသတိထားနိုင်ကြစေဖို့ရည်ရွယ်ပါတယ်။
ပိုင်ဆိုင်တာ မဟုတ်ဘူး၊ ပေါင်းစပ်တာသာ ဖြစ်ပါတယ်
ယောကျာ်းနဲ့မိန်းမ မင်္ဂလာဆောင်ကြပြီဆိုတဲ့အခါ အားလုံးကထင်ကြပါတယ်၊ ဒီယောကျာ်းက မိန်းမကိုပိုင်သွားပြီပေါ့။ မိဘတွေကိုယ်တိုင်ကပြောကြတယ်၊ တို့သမီးလေးကို မင်းလက်ထဲ ထည့်ပေးလိုက်ပြီနော်၊ ကောင်းကောင်းစောင့်ရှောက် ဆိုတာမျိုး။ ယောကျာ်းလေးတွေကလည်းကတိပေးကြတယ်၊ အမေတို့သမီးကို စိတ်ချမ်းသာအောင် ထားပါ့မယ် ဆိုတာမျိုး။
ဒါတွေက မှားလားဆိုတော့မမှားပါဘူး။ ချစ်စရာလည်းကောင်းတယ်။ ဒါပေမယ့်လည်း “မိန်းကလေးဆိုတာငယ်တုန်းမှာ မိဘကတာဝန်ယူ၊ ကြီးလာလို့ အိမ်ထောင်ကျတော့ ယောကျာ်းကတာဝန်ယူ” ဆိုတာမျိုးက ဒီမိန်းကလေးတွေဟာ ကိုယ့်တာဝန် ကိုယ်မယူနိုင်ဘူးဆိုတဲ့ သဘောသက်ရောက်နေပါတယ်။ တကယ်လည်းအဲ့လိုခံယူထားတဲ့ မိန်းကလေးတွေဟာ ဘွဲ့ရရုံလောက်ပညာသင်တယ်၊ အပြင်အလုပ်မလုပ်ဘူး၊ ကိုယ်ပိုင်ဝင်ငွေမရှာဘူး၊ ယောကျာ်းအပေါ်မှာပဲ မှီခိုတယ်။
ဒီတော့ ပြဿနာနှစ်ခု ဝင်လာတယ်။ တစ်ယောက်တည်းအပေါ်မှာပဲ မှီခိုနေရတဲ့အတွက် သူကသာ လက်ထပ်ပြီးနောက်ပိုင်း ပြောင်းလဲသွားရင် ပြဿနာစလာပြီ။ ကွဲလို့ကွာလို့ မရဘူး။ ဘာလို့ဆိုတော့ သူ့ဝင်ငွေနဲ့ပဲ ကိုယ်က ရပ်တည်နေရတာကိုး။ နောက်တစ်ခု၊ သူက မပြောင်းလဲဘူးဆိုဦးတော့၊ အကြောင်းကြောင်းကြောင့်များ သူက အလုပ်မလုပ်နိုင် ဖြစ်သွားရင် သူရောကိုယ်ရော ဒုက္ခဖြစ်ရတော့မှာ။ သားသမီးတွေများ ရနေရင်ပိုဆိုး။ ဒါကြောင့်မို့ တစ်ဦးတည်းအပေါ် မှီခိုထားရတဲ့ အခြေအနေဟာ လတ်တလောမှာ အဆင်ပြေနေဦးတော့၊ ရေရှည်အတွက် အထိအခိုက်မခံဘူး၊ Healthy relationship မဖြစ်ဘူးလို့ ဆိုရမှာပါ။ ဒါကြောင့် မိန်းကလေးတွေအနေနဲ့ သူ့ကို ဘာလို့ လက်ထပ်တာလဲဆို အားကိုးရှာဖို့ မဟုတ်ဘူး၊ ချစ်လို့ နှစ်ယောက်အတူ ပေါင်းစပ်လိုက်တာသာ ဖြစ်သင့်ပါတယ်။ ယောကျာ်းလေးတွေအနေနဲ့လည်း ကိုယ့်မိန်းကလေးက ဝင်ငွေရှာတယ်၊ အပြင်အလုပ်လုပ်တယ်ဆို ငါပဲ ရှာပေးမယ်ဆိုပြီး အတင်းအလုပ်ထွက်ခိုင်းတာမျိုး မလုပ်ဘဲနားလည်ပေးဖို့ လိုပါတယ်။
တကယ်တော့ ချစ်သူထားတယ်၊ အိမ်ထောင်ပြုတယ်ဆိုတာ သူစိမ်းနှစ်ယောက်ရဲ့ နှလုံးသားချင်း၊ ဘဝချင်းပေါင်းစည်းတာမျိုးပါ။ အင်မတန်သိမ်မွေ့ပါတယ်။ မတူကွဲပြားတဲ့ မိသားစုနောက်ခံ၊ မတူကွဲပြားတဲ့မွေးရာပါဗီဇ၊ မတူကွဲပြားတဲ့ အကျင့်စရိုက်တွေနဲ့ လူနှစ်ယောက် ပေါင်းစည်းတာဖြစ်လို့ အသေးစိတ်ညှိနှိုင်းယူရတာတွေအများကြီးရှိဦးမှာပါ။ ခုပြောခဲ့တဲ့ အချက် ၃ ချက်ကတော့ စုံတွဲတော်တော်များများမှာတွေ့နေရတဲ့ ပြဿနာလေးတွေဖြစ်လို့ သတိထားနိုင်အောင်ပြောပြလိုက်ပါတယ်။ တစ်စုံတစ်ရာ အကျိုးရှိမယ်လို့ မျှော်လင့်ပါတယ်။
Source : ဒေါက်တာ ဖြိုးသီဟ
